Kantynhient rasijskaj armii ŭ Danieckaj i Łuhanskaj abłaściach pavialičvajecca. Pra heta paviedamiŭ śpikier ATA Andrej Łysienka na bryfinhu ŭ sieradu ŭ Kijevie.
«Z-za paniesienych strat u technicy i žyvoj sile rasijski bok pravioŭ naroščvańnie sił kantynhientu uzbrojenych sił RF. U pryvatnaści, u rajonie Łuhanska zafiksavana źjaŭleńnie značnaj kolkaści rasijskich sałdat biez apaznavalnych znakaŭ. U horadzie Krasnadon źjaviłasia kala 60 tankaŭ, bolš za 50 BTR i BMP, a taksama kala 100 mašyn «Tyhr», - paviedamiŭ jon.
Łysienka taksama padkreśliŭ, što ŭ Horłaŭcy adbyvajecca zamiena bajevikoŭ «DNR» na padraździaleńni rasijskaj armii, a ŭ rajonie Šachciorska i Tareza zasiarodžana kala 100 tankaŭ.
«Usio heta śviedčyć pra hrubaje parušeńnie rasijskim bokam minskich damoŭlenaściej i praciahu vajennaj ahresii suprać Ukrainy», - padkreśliŭ śpikier.
Kamientary