Elektronnyja zvaroty prapanavana nie prymać pa elektronnaj pošcie
Adzinaj mahčymaściu adasłać elektronny zvarot da čynoŭnika ci dziaržstruktury prapanavana zrabić formu na sajcie struktury.
Ab mahčymych źmienach u paradku elektronnych zvarotaŭ hramadzian raspavioŭ namieśnik kiraŭnika pastajannaj kamisii pałaty pradstaŭnikoŭ pa pravach čałavieka, nacyjanalnych adnosinach i ŚMI Aksana Niachajčyk, pieradaje BiełTA.
Źmieny nie praduhledžvajuć skasavańnie mahčymaści elektronnaha zvarotu, a tolki ŭparadkoŭvajuć jaho razhlad, śćviardžaje čynoŭnik.
Siońnia elektronny zvarot možna adasłać pa elektronnaj pošcie, a taksama praz rubryku na sajcie ŭstanovy. U pieršym vypadku možna nie paznačyć svoj sapraŭdny adras ci inšyja źviestki, u formie na sajcie zapaŭnieńnie nieabchodnych paloŭ abaviazkovaje dla adpraŭki zvarotu.
Da taho ž, na sajcie achvočy napisać zvarot moža aznajomicca ź infarmacyjaj pra dziejnaść dziaržorhana i vyrašyć, ci kampietentny orhan albo čynoŭnik u vyrašeńni jaho pytańnia.
Aŭtary zakonaprajektu nie prapanujuć zabaraniać pisać čynoŭnikam elektronnyja listy.
Razhlad elektronnych zvarotaŭ, adasłanych nie praz admysłovuju formu, prapanujuć zrabić nieabaviazkovym.
Zakonaprajekt užo pryniaty ŭ pieršym čytańni, da druhoha čytańnia pastupiła bolš za 40 prapanoŭ, tracina ź ich — ad hramadzian.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
Kamientary