Minuły hod vydaŭsia vielmi ciažkim dla biełaruskaj dypłamatyi, zajaviŭ ministr zamiežnych spraŭ Biełarusi, adkryvajučy siońnia pasiadžeńnie štohadovaj kalehii MZS.
«Biesprecedentnaje abvastreńnie situacyi ŭ našym rehijonie ŭ suviazi z ukrainskim kryzisam, žorstkaje supraćstajańnie viadučych suśvietnych hulcoŭ, sankcyjnyja vojny pamiž Rasijaj i Zachadam akazali surjozny niehatyŭny ŭpłyŭ na raźvićcio suśvietnaha handlu, uzmacnili kryzisnyja źjavy ŭ ekanomikach sumiežnych z nami dziaržaŭ i, jak vynik, vyklikali rezkaje zvužeńnie tradycyjnych dla Biełarusi rynkaŭ zbytu», — kanstatavaŭ Makiej.
U toj ža čas, padkreśliŭ jon, uzvažanyja źniešniepalityčnyja padychody Biełarusi «ŭ značnaj miery stvaryli novuju situacyju, sadziejničali bolš pilnaj uvazie da našaj krainy i jaje kiraŭnictva, pieraacency miesca i roli Biełarusi ŭ hłabalnych i rehijanalnych pracesach».
«Sfarmiravany ŭ hetaj suviazi spryjalny infarmacyjny i źniešniepalityčny fon adkryvaje novaje «akno mahčymaściej», jakoje treba maksimalna efiektyŭna vykarystać najpierš dla naroščvańnia handlova-ekanamičnaha supracoŭnictva», — zajaviŭ ministr.
Pavodle jaho słoŭ, padviadzieńnie vynikaŭ pracy MZS za minuły hod nie źjaŭlajecca «tradycyjna rucinnym mierapryjemstvam». «My razhladajem takija sustrečy jak surjoznuju padstavu dla analizu dziejnaści sistemy orhanaŭ dypłamatyčnaj słužby, ščyraj razmovy ab dasiahnutych vynikach, pastanoŭki kankretnych zadač na pierśpiektyvu», — skazaŭ Makiej.
Hłyboki analiz źniešniepalityčnaj dziejnaści ciapier viadziecca «amal što ŭ režymie non-stop na ŭzroŭni kiraŭnika dziaržavy i ŭrada», padkreśliŭ kiraŭnik MZS. «Mienavita raspracoŭka dakładnaha ałharytmu dalejšych uzhodnienych dziejańniaŭ dazvolić nam ruchacca napierad nie navobmacak, a z razumieńniem taho, što adbyvajecca, i ź viedańniem spravy», — jon.
Makiej paviedamiŭ, što ŭ chodzie kalehii płanujecca zasłuchać niekatorych biełaruskich pasłoŭ, u tym liku tych, chto pracuje ŭ Rasii, Aŭstryi i Ukrainie. Praca kalehii zavieršycca vystupleńniem premjer-ministra Andreja Kabiakova, jaki «pastavić zadačy na pierśpiektyvu».
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?20
Kamientary