Eks-lidar hurtu «Lapis Trubiacki» patłumačyŭ, čamu zabaraniaje byłym kaleham vykonvać pieśni «lapisaŭ».
«Liču hurt Trubetskoy kłasičnym kavier-bendam. Bo na kancertach jany vykonvajuć mienš za 20% materyjału ŭłasnaha sačynieńnia», — patłumačyŭ Siarhiej Michałok TUT.BY. — U ich jość mahčymaść śpiavać pieśni «Batariejka», «Chali-Hali», «Šizhara», «Smoke On The Water», «Kupalinka» i hetak dalej».
Michałok kaža, što jamu niezrazumieła, čamu Trubetskoy «sfakusavali svaju pilnuju ŭvahu na pieśniach jaho sačynieńnia».
Jon ličyć, što Trubetskoy śpiavaje pieśni, idei jakich nie padzialaje.
«Ich imidž, styl i hramadzianskaja pazicyja iduć nasupierak majmu śvietapohladu, — padkreśliŭ Michałok. — Mienavita tamu ja suprać taho, kab jany śpiavali maje pieśni, ale sudzicca ź imi nie źbirajusia, bo źjaŭlajusia praciŭnikam lubych sudovych sistem i raźbiralnictvaŭ».
Muzyka kaža, što nie vykonvaje ŭ svaim novym hurcie Brutto piesień lidara Trubetskoy Paŭła Bułatnikava, a tamu raić «raźvivać svoj ułasny paetyčny i kampazitarski dar, a nie pieraasensoŭvać prasłavutuju «spadčynu lapisaŭ «.
Kanflikt miž Brutto i Trubetskoy — dvuma samastojnymi «askiepkami» hurtu «Lapis Trubiacki» — pačaŭsia z zajavy Siarhieja Michałka 2 sakavika. Jon nazvaŭ Trubetskoy «sieparatystami i rejdarami» i zabaraniŭ im vykonvać svaje pieśni, chacia pieršapačatkova dazvalaŭ vykanańnie eks-kaleham. Trubetskoy vyrašyli ihnaravać «durnavatyja i niepryhožyja demaršy eks-kaleh».
Raniej ad imia Brutto źjaŭlalisia niehatyŭnyja vykazvańni ŭ adras Trubetskoy, ale tady pieršyja abvieścili, što ich staronku ŭzłamali. Ciapier lidar Brutto asabista paćvierdziŭ pretenzii.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary