U ZŠA reziervuary dla zachoŭvańnia nafty blizkija da pierapaŭnieńnia
Vytvorčaść nafty tym časam praciahvaje raści.
Apošnija siem tydniaŭ ZŠA štodzień vyrablali i impartavali na miljon barelaŭ bolš, čym spažyvali. Schoviščy nafty zapoŭnilisia da najvyšejšaj rysy za apošnija 80 hod, paviedamlaje Associated Press.
Takimi tempami schoviščy nafty ŭ siaredzinie krasavika buduć zapoŭnienyja da svaich apieracyjnych limitaŭ.
Zdabyča nafty tolki pavialičvajecca. Amierykanskija kampanii spyniajuć novyja bureńni, ale nie stanuć źmianšać pastaŭki da kanca hoda. Novyja miescy zdabyčy dajuć u vyniku apracoŭki lohkuju syruju naftu, ekspart jakoj abmiežavany fiederalnym zakonam. Inšyja krainy praź ciažkija ekanamičnyja ŭmovy achvotna pradajuć naftu ŭ ZŠA. Praź nizkija ceny i nizkaje siezonnaje spažyvańnie inviestary achvotna kuplajuć naftu, spadziajučysia na rost cen u kancy hoda.
Praź pierapaŭnieńnie schoviščaŭ cana na naftu moža abrušycca da značna nižejšych za siońniašnija značeńni.
Hałava departamienta daśledavańnia tavaraŭ Citibank Ed Morze pradkazaŭ na simpoziumie Rady pa mižnarodnych adnosinach u Ńju-Jorku padzieńnie cany na naftu z 50 da 20 dalaraŭ za barel u vypadku pierapaŭnieńnia schoviščaŭ.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary