U Biełaruś viartajucca pieršyja busły, paviedamlaje hramadskaja arhanizacyja «Achova ptušak Baćkaŭščyny».
U miežach prajekta «Žyvaja viasna» pieršy busieł byŭ zarehistravany ŭ vioscy Małaja Lucinka Vałožynskaha rajona. «Busły — adny z samych dalnich našych mihrantaŭ. Jany dalatajuć navat u Paŭdniovuju Afryku, pry hetym šlach moža dasiahać 9,5 tys. kiłamietraŭ! Zvyčajna ptuški laciać nie nad adkrytym moram, a praz pralivy. I na svaim šlachu da miescaŭ zimoŭki im patrebna jašče pieralacieć samuju vialikuju pustyniu śvietu — Sacharu», — skazaŭ śpiecyjalist APB pa pryrodaachoŭnych pytańniach Siamion Levy.
Pavodle danych arhanizacyi, u Biełaruś užo viarnulisia palavyja žaŭruki, knihaŭki i špaki, a taksama šmat vidaŭ vadapłaŭnych ptušak. Taksama adznačany drozd-śpiavun, strynatka-čarotaŭka, lasnaja zaviruška, vialiki hołub i niekatoryja inšyja vidy ptušak.
U miežach kampanii «Žyvaja Viasna» na sajcie springalive.net viadziecca nazirańnie za piaćciu vybranymi pasłancami viasny — biełym busłom, viaskovaj łastaŭkaj, zvyčajnaj ziaziulaj, čornym śvirhulom i ščurkaj-pčałajedkaj. Nastupnaj z hetaha śpisu ŭ Biełarusi čakajecca viaskovaja łastaŭka.
Uziać udzieł u akcyi moža luby čałaviek, jaki ŭpieršyniu ŭ hetym hodzie ŭbačyŭ adnu abo niekalki pieraličanych ptušak. Danyja nazirańniaŭ možna pakinuć na sajcie kampanii (praz raździeł «dadać nazirańnie») ci u sacyjalnych sietkach (Ukantakcie ci Fejsbuku), abo adpravić pa sms na numar 0841 (treba ukazać svajo imia, proźvišča, čas nazirańnia, miesca, kolkaść i nazvu ptuški).
Ciapier čytajuć
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie3
Kamientary