Ukaz Parašenki pra adstaŭku Kałamojskaha źjaviŭsia kala 4-j ranku
Piatro Parašenka padpisaŭ ukaz ab adstaŭcy Ihara Kałamojskaha z pasady kiraŭnika Dnieprapiatroŭskaj vobłaści. Hetaje paviedamleńnie na sajcie prezidenta Ukrainy źjaviłasia kala 4-j ranku. Pavodle paviedamleńnia, dakumient Parašenka padpisaŭ padčas asabistaj sustrečy z Kałamojskim, jaki sam paprasiŭ ab zvalnieńni.
«My pavinny zabiaśpiečyć mir, stabilnaść i spakoj. Dnieprapiatroŭščyna pavinna zastavacca bastyjonam Ukrainy na Uschodzie, abaraniać mir i spakoj hramadzian», — cytuje Piatra Parašenku jaho pres-słužba.
V.a. kiraŭnika Dnieprapiatroŭskaj vobłaści budzie pryznačany Valancin Reźničenka, jaki ź lutaha zajmaje pasadu kiraŭnika Zaparožskaj abłasnoj dziaržaŭnaj administracyi. Raniej jon pracavaŭ u karparacyi ciapierašniaha kiraŭnika Administracyi prezidenta Ukrainy Barysa Łožkina.
Kałamojski — ukrainski aliharch, jaki ŭznačaliŭ Dnieprapiatroŭsk u składanyja dni rasijskaj ahresii i zdoleŭ zadušyć miascovy sieparatyscki ruch. Adnak Kałamojski sprabavaŭ zachavać kantrol nad važnym dla Ukrainy pradpryjemstvam «Ukrnafta». Na minułym tydni aliharchu była abvieščana vymova za abrazu žurnalista z vykarystańniem niecenzurnaj leksiki.
Hramadzianskaja supolnaść Ukrainy patrabuje źmianšeńnia ŭpłyvu aliharchaŭ i viartańnia niezakonna zdabytaj imi majomaści pad kantrol dziaržavy.
Kali Kanapackaja stała całkam padkantrolnaja Łukašenku?22
Kamientary