Instytut kantrolu viedaŭ praciahvaje sudzicca ź minskim repietytaram
Respublikanski instytut kantrolu viedaŭ (RIKV) praciahvaje patrabavać spahnać ź minskaha repietytara Alaksandra Vasileŭskaha štraf za parušeńnie aŭtarskich pravoŭ — publikacyju ŭ internecie rašeńnia zadač repietycyjnaha testavańnia.
Vasileŭski niekalki hadoŭ akazvaje pasłuhi repietytara pa fizicy i matematycy. Aprača asnoŭnaj padrychtoŭki svaich vučniaŭ jon taksama vykładvaje ŭ internet rašeńni zadač, rekamiendacyi, jak pravilna prachodzić testavańnie.
RIKV, jaki pravodzić testavańnie, nie zadavalniaje, što ŭ internecie źjaŭlajucca prykłady zadač z testa i ich rašeńnie.
Pradstaŭniki instytuta patrabujuć aštrafavać minskaha repietytara na padstavie art. 9.21 KoAP (niezakonnaje raspaŭsiudžvańnie abo inšaje niezakonnaje vykarystańnie abjektaŭ aŭtarskaha prava).
«Jon robić heta z karyślivaj mety — u jakaści rekłamy, kab pryciahnuć novych klijentaŭ», — śćviardžaŭ pradstaŭnik istca 4 sakavika na słuchańniach u sudzie Frunzienskaha rajona Minska.
Vasileŭski svaje dziejańni tłumačyć tym, što choča dapamahčy abituryjentam lepš padrychtavacca da testavańnia, i hrošaj za heta nie biare.
Aprača taho, repietytar nastojvaje, što rašeńnie zadačy nie źjaŭlajecca vytvornym tvoram, jak miarkuje RIKV. «Rašyć zadaču moža luby nastaŭnik, tut niama ŭnikalnych mietadaŭ i tvorčaha padychodu», — zajaviŭ adkazčyk na pieršym sudovym pasiadžeńni.
Tady sud u asobie sudździ Mikałaja Lipnieviča zaniaŭ pazicyju Vasileŭskaha, nie ŭhledzieŭšy ŭ jaho dziejańniach parušeńnia zakonu, a pradstaŭniki RIKV zajavili, što buduć padavać kasacyjnuju skarhu.
Pra toje, što RIKV apratestavaŭ rašeńnie suda, Vasileŭski paviedamiŭ 24 sakavika na svajoj staroncy ŭ «Fejsbuku».
Kali Kanapackaja stała całkam padkantrolnaja Łukašenku?22
Kamientary