NASA padzielić bliźniataŭ na «ziamnoha» i «kaśmičnaha»
Vyniki hienietyčnaha ekśpierymientu buduć zasakrečanyja.
Čarhovaja misija MKS startuje 28 sakavika. U liku astranaŭtaŭ budzie Skot Kieli, jaki praviadzie na arbicie hod, pakul jaho brat Mark zastaniecca na Ziamli. NASA daśleduje ŭpłyŭ kaśmičnych vandrovak na Skota, ale vyniki hienietyčnaha ekśpierymientu NASA Twin Study buduć zasakrečanyja, paviedamlaje Nature Science.
Navukoŭcy buduć adnačasova sačyć za zdaroŭjem Skota na arbicie i jaho brata-bliźniuka Marka na Ziamli, a taksama paraŭnajuć ich stan pa viartańni Skota na Ziamlu.
NASA cikavić mahčymy efiekt paskoranaha stareńnia arhanizmu na arbicie. Miarkujecca, što kaśmičnaja radyjacyja i biazvažkaść vyklikajuć źmieny ŭ mozhu i kahnityŭnych zdolnaściach, u mietabaliźmie i pracy straŭnika, u imunnaj sistemie. Akramia taho, navukoŭcy daśledujuć źmieny ŭ mietyłavańni DNK i ŭ pamierach kancavin chramasom (ciełamieraŭ), pa jakich mahčyma vyznačyć uzrost arhanizmu.
Vyniki nazirańniaŭ za Skotam i Markam buduć zasakrečanyja, kali tolki sami braty nie vyrašać imi padzialicca. Prahrama NASA Twin Study znoŭ uźniała pytańnie «hienietyčnaj pryvatnaści».
***
NASA ŭžo daśledavała ŭpłyŭ palotaŭ u kosmas na stary arhanizm i praces stareńnia, kali ŭ 1998 hodzie adasłała na arbitu 77-hadovaha Džona Hlena. Ale Hlena nie było z kim paraŭnać na Ziamli.
Skot i Mark Kieli — daśviedčanyja astranaŭty, abodva nie raz byvali ŭ kosmasie. Na liku Marka 4 paloty i 54 dni ŭ kosmasie, na liku Skota — 3 paloty i 180 dzion. Mark zavieršyŭ karjeru astranaŭta ŭ 2011 hodzie.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Načalnik milicyi Brahina stralaŭ u svaju žonku. Jana cudam vyžyła9
Kamientary