Pasoł Jeŭrasajuza ŭ Rasii Vihaŭdas Ušackas kaža, što pastaŭki zbroi Ukrainie byli b ryzykoŭnym krokam, kali mieć na ŭvazie mahčymy adkaz z boku Rasii.
U apublikavanym u paniadziełak intervju litoŭskaj dziełavoj haziecie Verslo zinios dypłamat skazaŭ, što, prymajučy rašeńnie pra vajennuju padtrymku, asobnyja krainy pavinny z usioj adkaznaściu ŭzvažyć mahčymyja dziejańni Maskvy.
«Nakolki ja razumieju, administracyja ZŠA zaniepakojenaja tym, jakija buduć nastupstvy, kali budzie pradastaŭlena vajennaja dapamoha, vajskovaja technika, jakim moža być adkaz Rasii i jak kankretna jon vyjavicca na terytoryi Uschodniaj Ukrainy», — skazaŭ haziecie Ušackas.
«Heta vielmi surjoznyja pytańni, bo ryzyka i pahrozy realnyja», — dadaŭ były ministr zamiežnych spraŭ Litvy.
Litva publična, adnak biez padrabiaznaściaŭ, paćvierdziła, što pieradała Ukrainie elemienty ŭzbrajeńnia. Prezident i premjer-ministr Litvy nie raz publična zaklikali krainy Zachadu dapamahčy Kijevu zbrojaj.
Samaja ŭpłyvovaja kraina ES — Hiermanija vykazvajecca suprać pastavak zbroi. Kiraŭnik MZS Frank-Valter Štajnmajer niadaŭna papiaredziŭ, što ŭ vypadku pradastaŭleńnia Kijevu dapamohi vajskovymi srodkami «kanflikt moža być pieraviedzieny ŭ novuju fazu» i moža razharecca «niebiaśpiečnaja pastajannaja eskałacyja pamiž Ukrainaj i Rasijaj».
Kanhres ZŠA vykazvajecca za pastaŭki zbroi, śćviardžajučy, što heta dapamoža ŭradu Ukrainy «abaranić svaju suvierennuju terytoryju ad niespravakavanaj i praciahłaj ahresii Rasijskaj Fiederacyi». Prezident ZŠA Barak Abama pakul ustrymlivajecca ad pastavak zbroi, ale nie vyklučaje takoj mahčymaści ŭ budučyni.
Zachad śćviardžaje, što Rasija pasyłaje ŭzbrajeńni i vajskoŭcaŭ u dapamohu sieparatystam, što vajujuć na ŭschodzie.
Pa słovach V. Ušackasa, JeC pavinien padtrymlivać ekanamičnyja i palityčnyja reformy va Ukrainie, stabilizavać krainu, ale adnačasova treba «być realistami i šukać ahulnyja padychody, jak možna pry dapamozie pieramovaŭ z Rasijaj spynić eskałacyju kanfliktu», uklučajučy pieramovy ab pastaŭkach zbroi.
«(…) Treba pryznać, što my nie pojdziem vajavać i pamirać za Ukrainu i my nie pojdziem mianiać Rasiju, bo my hetaha nie zrobim», — skazaŭ dypłamat.
V. Ušackas paŭtaryŭ, što ŭ zaležnaści ad situacyi na Uschodzie Ukrainy ES hatovy ŭvieści dadatkovyja sankcyi ci ich admianić.
Apytanka
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary