Prakuraturaj Minskaj vobłaści sankcyjanavana ŭziaćcie pad vartu hienieralnaha dyrektara adnaho ź dziaržaŭnych pradpryjemstvaŭ, jakoje ažyćciaŭlaje dziejnaść u śfiery pasažyrskich i inšych pieravozak.
Jak paviedamiŭ namieśnik načalnika adździeła pa baraćbie z karupcyjaj i arhanizavanaj złačynnaściu abłasnoj prakuratury Ihar Byčko, kiraŭnik padazrajecca ŭ tym, što jon, budučy słužbovaj asobaj, u 2010—2014 hadach, złoŭžyvajučy svaimi słužbovymi paŭnamoctvami z karyślivaj zacikaŭlenaści, jakaja prajaviłasia ŭ imknieńni paźbiehnuć materyjalnych zatrat, biez adpaviednaha afarmleńnia i apłaty, biazvypłatna, u pracoŭny čas sistematyčna pryciahvaŭ padnačalenych jamu rabotnikaŭ dla ažyćciaŭleńnia budaŭniča-mantažnych i ramontnych rabot na ŭłasnych abjektach nieruchomaści. U vyniku pradpryjemstvu byŭ naniesieny ŭron u bujnym pamiery.
Aprača taho, hiendyrektar abvinavačvajecca va ŭčynieńni kradziažoŭ roznaj majomaści z pradpryjemstva, jakoje jon uznačalvaŭ.
Papiaredniaje śledstva pa kryminalnaj spravie pravodzić upraŭleńnie Śledčaha kamiteta pa Minskaj vobłaści.
Kamientary