Na Kamaroŭcy źjavilisia parečki, a čarešni narešcie zraŭnialisia ŭ canie z kłubnicami
Čarešni, abrykosy i kłubnicy ciapier pradajucca na Kamaroŭskim rynku ŭ Minsku pa adnoj canie, bujaki ŭsio jašče darahija, zatoje tańniejuć piersiki i niektaryny, a siarod navinak — źjaŭleńnie parečak. Vydańnie «Smartpres» raskazała, što kolki kaštuje.
Parečak u prodažy niašmat, a tyja, što ŭdałosia znajści, pradajucca amal pa 15 rubloŭ za 1 kh. Jahady siaredniaha pamieru, siaredniaj śpiełaści abo trochi niedaśpiełyja, jakija litaralna za dzień-dva stanuć miakkimi doma.
Zrešty, asnoŭnaja ŭvaha pakupnikoŭ prykavanaja da kłubnic i čarešniaŭ. Za hetymi jahadami vystrojvajucca čerhi.
Jahady jašče bolš patańnieli. Kłubnicy pradajucca i pa 6, i pa 7, i po 8, i pa 9 rubloŭ za 1 kh. A adbornych u dyjapazonie cenaŭ ad 10 da 16 rubloŭ za 1 kh z roznych kutkoŭ Biełarusi taksama vielizarnaja kolkaść.
Čarešniaŭ vielmi šmat i roznych — ciomnych i śvietłych, roznych sartoŭ i stupieni śpiełaści. Raźbiežka cenaŭ bolšaja, čym na kłubnicy — ad 9 da 26 rubloŭ za 1 kh.
Prytym čarešni pa 9—12 rubloŭ za 1 kh — nie adzinkavy vypadak na rynku, a raspaŭsiudžanaja cana amal na kožnym šerahu siezonnaha rynku.
Kala 10 rubloŭ za 1 kh kaštujuć i abrykosy, pastupova nabližajucca da ich pa canie piersiki i niektaryny (13—20 rubloŭ za 1 kh), a voś bujaki pakul nie traciać svaich pazicyj — ich pradajuć pa canie ad 69 da 120 rubloŭ za 1 kh.
Z hryboŭ uvaha — lisičkam. Jany kaštujuć pa 24,9 rubla za 1 kh.
Z harodniny patańnieli tamaty. Čery pradajuć užo nie šklanačkami pa 250—500 h, a rossypam pa 9—10 rubloŭ za 1 kh.
Źjaviłasia bolš bakłažanaŭ i kabačkoŭ, a taksama stali pradavacca niedarahija bałharskija piercy zialonaha koleru, jakija haspadyni zvyčajna lubiać vykarystoŭvać dla tušeńnia i zakatak.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?47
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
nie traciać svaich pazicyj - nie STRAČVAJUĆ
.............. traciać hrošy