Chto varty zvańnia asoby pieršaha miesiaca hodu? Chto zrabiŭ najbolš u studzieni i tym samym pryciahnuŭ da siabie ŭvahu hramadzkaści i medyjaŭ?
Pradprymalniki. Drobnyja handlary praciahvajuć zmahacca za admienu prezydenckaha ŭkazu №760. Hod pačaŭsia ź ich 15-dzionnaj zabastoŭki. Pavodle słovaŭ adnaho ź lideraŭ pradprymalnickaha ruchu Alesia Taŭstyki, u Miensku na šerahu rynkaŭ strajkavali da 90 % handlaroŭ. U studzieni drobnyja handlary praviali dźvie vuličnyja akcyi pratestu. 10 studzienia manifestanty sprabavali prajści da Administracyi prezydenta, a paśla rušyli praspektam, urešcie pierakryŭšy ruch na płoščy Niezaležnaści. Kolkaść pratestoŭcaŭ dasiahnuła 5 000 čałaviek. Paśla akcyi bolš za dva dziasiatki čałaviek apynulisia za kratami, a prakuratura zaviała kryminalnuju spravu. Na sutkach na Akreścina apynulisia amal usie lidery ruchu Aleś Taŭstyka, Aleś Makajeŭ, Anatol Šumčanka, Siarhiej Parsiukievič, Uładzimier Šyła. Niahledziačy na preventyŭnyja aryšty, kala dźviuch tysiač demanstrantaŭ uziali ŭdzieł u akcyi pratestu ŭ centry Miensku 21 studzienia. Razhonam asabista kamandavaŭ ministar unutranych spraŭ Uładzimier Navumaŭ. Pradprymalniki źbirajucca i nadalej adstojvać svaje pravy. Ad siońnia jany raspačali lutaŭski strajk, a nastupnaja vuličnaja akcyja pryznačana na 18 lutaha.
Aleś Maračkin. Uviečnu 2007 hodu ŭžo były hałoŭny ideolah krainy Aleh Pralaskoŭski zapatrabavaŭ ad Ministerstva adukacyi vyklučyć z školnaj prahramy «piśmieńnikaŭ-nacyjanalistaŭ» – Ryhora Baradulina, Hienadzia Buraŭkina dy inš. Taksama Pralaskoŭski patrabavaŭ «vyklučyć ź ilustracyjnych materyjałaŭ tvory mastaka A.Maračkina». Jak vyśvietliłasia, ź niekatorych knih vyklučyli nia tolki tvory Maračkina, ale i jaho samoha. U knizie «Mikoła Sielaščuk. Hučańnie muzyki niabiosaŭ» z hrupavoha fotazdymku mastakoŭ «źnik» Aleś Maračkin. «U 1937-m źniknieńnie peŭnaj asoby z partretu, ci zdymka mahło b aznačać, što jaho rasstralali», – kaža mastak. Maračkin nia staŭ zamoŭčvać vypadak z cenzuraj. Ale tvorca nie źbirajecca padavać u sud na składalnikaŭ knižki, jon prosta choča parazmaŭlać z hetymi ludźmi, kab daviedacca pra ichnyja matyvy.
Źmicier Žaleźničenka. Moładzievaha aktyvista z Homiela Źmitra Žaleźničenku 25 studzienia adpravili na terminovuju słužbu ŭ Žłobin u čyhunačnyja vojski (v/č — 83469). Za try dni da hetaha jaho adličyli z Homielskaha dziaržaŭnaha ŭniversytetu imia F. Skaryny. Pratestujučy suprać niezakonnaha adličeńnia z VNU i hvałtoŭnaj adpraŭki ŭ armiju, chłopiec niekalki dzion trymaŭ haładoŭku. Adnym ź jahonych patrabavańniaŭ źjaŭlajecca toje, kab usie zahady jamu addavali na biełaruskaj movie. Prykład Žaleźničenki pieraniaŭ Juraś Alejnik, jaki taksama patrabuje biełaruskamoŭnaj słužby.
Rusłan Alachno. U traŭni Biełaruś na muzyčnym konkursie «Eŭrabačańnie» ŭ Białhradzie (Serbija) pradstavić Rusłan Alachno. Na finale adboračnaha konkursu ŭ Miensku Alachno apiaredziŭ hurty «Litesound», «Po hłazam», śpiavačku Hiuneš.
Braty Andrej i Siarhiej Kaścicyny. Navapołackija chakieisty Andrej i Siarhiej Kaścicyny na siońniašni dzień vyznačajuć hulniu najlepšaha klubu NCHŁ usich časoŭ – «Manreal Kanadyjens». Andrej, pobač z rasiejcam Andrejem Kavalovym, finam Saku Kojvu i čecham Tomašam Plekancam, staŭ lideram atak 24-razovaha ŭładalnika Kubku Stenli. Siarhiej u svaje 20 hadoŭ zamacavaŭsia ŭ asnoŭnym składzie kamandy. Braty Kaścicyny adrazu stali lubimčykami ŭ tamtejšych fanataŭ. Na siońniašni dzień «Manreal» zajmaje vynikovaje (pa bałach) druhoje miesca va Ŭschodniaj kanferencyi. Braty ž ciaham miesiaca vydali niekalki fantastyčnych matčaŭ. Naprykład, z «Bostanam» i «Vašynhtonam».
Kamientary