Naroščvańnie sił NATA pablizu svaich hranic Biełaruś razhladaje jak vyklik vajennaj biaśpiecy. Ab hetym zajaviŭ ministr abarony Biełarusi Andrej Raŭkoŭ siońnia ŭ Maskvie na kanfierencyi pa mižnarodnaj biaśpiecy «Hłabalnaja biaśpieka: vykliki i pierśpiektyvy».
«Pavinien adznačyć farmiravańnie vyklikaŭ vajennaj biaśpiecy dziaržaŭ u Jeŭrapiejskim rehijonie, - skazaŭ ministr. - Abjektyŭna tolki tak možna aceńvać naroščvańnie prysutnaści hrupovak vojskaŭ sa składu NATA pablizu hranic Biełarusi. Heta vymušaje nas davać adnaznačnuju acenku ciapierašnim pracesam, što adlustroŭvaje rost uzroŭniu vajennaj niebiaśpieki ŭ rehijonie».
Na dumku Andreja Raŭkova, nie sadziejničaje rostu davieru i istotnaje naroščvańnie intensiŭnaści mierapryjemstvaŭ apieratyŭnaj i bajavoj padrychtoŭki pablizu hranic Biełarusi. «Asabliva heta naściarožvaje ŭ śviatle kryzisu asobnych napramkaŭ mižnarodnaj sistemy kantrolu nad uzbrajeńniami ŭ Jeŭropie, što taksama źjaŭlajecca vyklikam dla vajennaj biaśpieki ŭsich jeŭrapiejskich dziaržaŭ, - skazaŭ jon. - Va ŭmovach słabaści mižnarodnych arhanizacyj harantavańnia biaśpieki asobnyja dziaržavy mohuć prymać samastojnyja rašeńni ab vykarystańni siłavych mietadaŭ u vyrašeńni miždziaržaŭnych supiarečnaściej. Faktaraŭ, što strymlivajuć ad pryniaćcia takich siłavych rašeńniaŭ, stanovicca ŭsio mienš».
Ministr adznačyŭ, što naściarožvaje pryncypovaja admova jeŭraatłantyčnych krain ad usich form supracoŭnictva pa inicyjatyvach, prajaŭlenych u halinie stvareńnia sumiesnych sistem procirakietnaj abarony. Na jaho dumku, raźmiaščeńnie ŭ jeŭrapiejskich dziaržavach elemientaŭ amierykanskaj sistemy PRA, chutčej za ŭsio, zakładzie asnovy dla parušeńnia isnujučaha ŭ śviecie rakietna-jadziernaha bałansu. U hetaj ža płoskaści lažać i dziejańni pa stvareńni sistem vysokadakładnaj zbroi, jakija dajuć mahčymaść realizavać usie pieravahi hłabalnaj dasiahalnaści.
«Hetyja vykliki vajennaj biaśpiecy tolki paharšajuć i biez taho składanuju situacyju ŭ Jeŭrapiejskim rehijonie», - padkreśliŭ Andrej Raŭkoŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary