Viarchoŭny sud prypyniŭ sudavytvorčaść pa isku ab likvidacyi Partyi kamunistaŭ Biełaruskaj.
Pavodle jaho słoŭ, 6 lutaha ŭ Viarchoŭnym sudzie adbyłosia druhoje papiaredniaje słuchańnie pa isku ab likvidacyi partyi z udziełam pradstaŭnikoŭ Ministerstva justycyi i PKB. Vyśvietliłasia, što 5 lutaha ź ministerstva pastupiła chadajnictva ab časovym spynieńni sudavytvorčaści pa hetaj spravie.
‑ Pradstaŭniki PKB nie piarečyli. Abmianiaŭšysia dumkami, baki pahadzilisia z tym, što razhlad isku adkładvajecca na niapeŭny čas i moža być adnoŭleny pa patrabavańni kožnaha ź ich, — paviedamiŭ S.Vaźniak.
Takim čynam, pavodle jaho słoŭ, pahroza likvidacyi partyi źnikła.
Nahadajem, 2 žniŭnia 2007 hoda Viarchoŭny sud poŭnaściu zadavoliŭ isk Ministerstva justycyi i prypyniŭ dziejnaść Partyi kamunistaŭ Biełaruskaj na šeść miesiacaŭ. U rašeńni Viarchoŭnaha suda adznačałasia, što z boku PKB nie byli ŭličany pradpisańni Miniusta pa ŭliku arhanizacyjnych struktur i ahulnaha kolkasnaha składu partyi. Akramia taho, paćvierdžany ŭdzieł PKB va ŭstanoŭčaj kanfierencyi Sajuza levych partyj va Ukrainie, što supiarečyć biełaruskamu zakanadaŭstvu.
Rašeńniem Viarchoŭnaha suda PKB zabaraniałasia ažyćciaŭlać lubyja dziejańni, za vyklučeńniem mier, skiravanych na likvidacyju niedachopaŭ, jakija adznačany ŭ papiaredžańniach Miniusta.
4 studzienia hetaha hoda Ministerstva justycyi padało ŭ Viarchoŭny sud isk ab likvidacyi PKB. U iskavych pretenzijach havorycca, što paśla prypynieńnia dziejnaści partyi na šeść miesiacaŭ 2 žniŭnia 2007 hoda PKB ažyćciaŭlała dziejańni, jakija joj zabaronieny zakanadaŭstvam u hety pieryjad. U pryvatnaści, Miniustam ustanoŭlena dziejnaść partyi, skiravanaja na ažyćciaŭleńnie zboru podpisaŭ, pikietavańnia, a taksama praviadzieńnie šerahu inšych mierapryjemstvaŭ; PKB poruč ź inšymi subjektami palityčnaj dziejnaści padpisała pahadnieńnie ab pryncypach udziełu ŭ palityčnaj kampanii pa vybarach u Pałatu pradstaŭnikoŭ Nacyjanalnaha schodu Biełarusi, jakija zapłanavany na vosień 2008 hoda, i viała aktyŭnuju mižnarodnuju dziejnaść. 22 studzienia ŭ Ministerstva justycyi pastupili listy PKB, jakimi, zhodna z aficyjnym paviedamleńniem Miniusta, «partyja infarmuje ab likvidacyi parušeńniaŭ, što pasłužyli padstavaj dla prypynieńnia jaje dziejnaści».
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary