U noč na 7 maja ŭ centry Minska projdzie zaklučnaja treniroŭka parada
6 maja ŭ Minsku projdzie druhaja i zaklučnaja hienieralnaja treniroŭka miechanizavanaj kałony Uzbrojenych sił i hramadzianskaj techniki da majučaha adbycca parada ŭ honar Dnia Pieramohi.
Jak paviedamlaje ŭpraŭleńnie DAI HUUS Minharvykankama, svoj ruch kałona pačnie ŭ 17.00. Jana projdzie pa vulicach Zasnavalnikaŭ, Starynaŭskaj, pa praśpiekcie Niezaležnaści, vulicach Surhanava, Kujbyšava, Bahdanoviča da praśpiekta Mašerava. Ruch budzie pierakryvacca paetapna pa chodzie prachodžańnia techniki. Paśla prachodžańnia kałony ruch na hetych učastkach budzie adnaŭlacca.
Na praśpiekt Mašerava kałona prybudzie da 19.00.
Tam z 22.00 budzie abmiežavany ruch na ŭčastku darohi ad vulicy Čyrvonaj da vulicy Cimirazieva. Mienavita tam budzie prachodzić treniroŭka. Paśla jaje zaviaršeńnia technika rušyć nazad pa nastupnym maršrucie: pr. Mašerava, vuł. Cimirazieva, vuł. Arłoŭskaja, pł. Banhałor, vuł. Surhanava, pr. Niezaležnaści, vuł. Starynaŭskaja, vajenny haradok «Uručča». Ruch na hetych učastkach taksama budzie paetapna pierakryvacca.
Staličnaja Dziaržaŭtainśpiekcyja rekamienduje vadzicielam uličvać hetu infarmacyju pry vybary maršrutu ruchu.
Uličvajučy, što centralnaja častka horada budzie paetapna pierakryvacca ŭžo z 17.00, rekamiendujem vadzicielam skarystacca pasłuhami mietrapalitena.
Aprača taho, siońnia, 6 maja, u Minsku na ŭčastku praśpiekta Mašerava ad vulicy Daŭmana da praśpiekta Pieramožcaŭ projdzie treniroŭka maładziožna-spartyŭnaha teatralizavanaha šeścia, u suviazi z čym ruch na zhadanym učastku darohi budzie zakryty z 21.00 da 24.00.
Kamientary