Premjer-ministr Rasii Dźmitryj Miadźviedzieŭ padpisaŭ pastanovu, jakaja admianiaje dazvoł na tranzit uzbrajeńniaŭ i inšych vajennych hruzaŭ NATA ŭ Afhanistan praz rasiejskuju terytoryju.
U dakumiencie, raźmieščanym na aficyjnym partale pravavoj infarmacyi, udakładniajecca, što takoje rašeńnie pryniata ŭ suviazi sa spynieńniem dziejańnia rezalucyi Rady biaśpieki AAN ad 2001 hoda, u adpaviednaści ź jakoj i byŭ dazvoleny tranzit vajennych hruzaŭ u Afhanistan praz Rasiju.
Rezalucyja zaklikała ŭsie dziaržavy dapamahać Mižnarodnym siłam sadziejničańnia biaśpiecy ŭ Afhanistanie (ISAF). U suviazi z hetym u 2008 hodzie Rasija pryniała pastanovu, jakaja dazvalaje tranzit praź jaje terytoryju hruzaŭ dla vajskoŭcaŭ ISAF.
U śniežni minułaha hoda ZŠA i NATA aficyjna zaviaršyli aktyŭnuju častku apieracyi ŭ Afhanistanie. Pry hetym było vyrašana, što častka vajskovaha kantynhientu zastaniecca ŭ krainie i paśla vyvadu asnoŭnych vojskaŭ.
Na dadzieny momant kolkaść kantynhientu NATA ŭ Afhanistanie aceńvajecca ŭ 13 tysiač čałaviek, ź jakich amal dziesiać tysiač składajuć amierykanskija vajskoŭcy. Pry hetym u pačatku 2015 hoda ŭ krainie aktyvizavalisia isłamisckija hrupoŭki, u suviazi z čym ułady paprasili Vašynhton zapavolić vyvad svaich vojskaŭ.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram16
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary