Na samicie Jeŭrapiejskaj narodnaj partyi ŭ Ryzie 21 maja abmierkavali siarod inšaha i hieapalityčnuju situacyju. Udzieł u im uziali lidary JENP, kiraŭniki jeŭrapiejskich pravacentrysckich partyj i šerahu krain Jeŭrasajuzu.
Prysutničali i pradstaŭniki biełaruskaj apazicyi — staršyni Ruchu «Za Svabodu», AHP i Partyi BNF Alaksandr Milinkievič, Anatol Labiedźka i Alaksiej Janukievič.
«Padčas abmierkavańnia było zaznačana, što «Uschodniaje partniorstva» siońnia – heta pytańnie hieapalityčnaha vybaru, ale Jeŭrasajuz razumieje, što intehracyja ŭ jaje Ukrainy, Hruzii, Małdovy, Biełarusi, Azierbajdžana i Armienii budzie raznachutkasnaj. Tamu Jeŭrasajuzu treba nabracca ciarpieńnia. Nielha nikomu, u tym liku Biełarusi, kazać, maŭlaŭ, u vas niama demakratyi, jak budzie, to prychodźcie. Pierachod ad kamunizmu da demakratyi ckładany, źmieny ŭ hałovach adbyvajucca praz pakaleńni, kab stać niezvarotnymi», - raspavioŭ Pyx.by Alaksandr Milinkievič.
Šmat abmiarkoŭvałasia i ciapierašniaja situacyja ŭ našym rehijonie, «bo ŭ drennym śnie nichto nie moh ujavić, što zdarycca rasijska-ukrainskaja vajna». Tamu va «Uschodnim partniorstvie» adno z klučavych pytańniaŭ – biaśpieka.
«Uschodniaje partniorstva» nie suprać Maskvy. Treba razmaŭlać z Rasijaj, ale pry hetym nielha zabyvacca na toje, što adbyłosia va Ukrainie», - skazała kancler Hiermanii Anhieła Mierkiel.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary