14 lutaha sud Savieckaha rajona Homiela pakinuŭ u sile rašeńnie rajvajenkamatu ab pryzyvie na słužbu miascovaha aktyvista demakratyčnych sił Źmitra Žaleźničenki.
Nahadajem, namieśnik staršyni abłasnoj arhanizacyi «Moładź BNF» Źmicier Žaleźničenka byŭ dvojčy adličany z Homielskaha dziaržuniviersiteta imia F.Skaryny. Jon źjaŭlaŭsia vydatnikam vučoby i nie prapuskaŭ zaniatki biez uvažlivaj pryčyny. Pieršaje adličeńnie aktyvist demakratyčnych sił abskardziŭ u sudzie i damohsia adnaŭleńnia ŭ VNU, ale praz čatyry dni znoŭ byŭ adličany i pryzvany ŭ armiju.
8 lutaha sudździa sudu Savieckaha rajona Homiela Juryj Žoraŭ zadavoliŭ skarhu baćkoŭ junaka i prypyniŭ rašeńnie vajskovaj kamisii ab pryzyvie Źmitra Žaleźničenki ŭ vojska. Aktyvist na toj momant užo znachodziŭsia ŭ častcy ŭ Žłobinie.
9 lutaha adbyłasia prysiaha maładoha papaŭnieńnia. Adnak Žaleźničenka, užo viedajučy pra rašeńnie sudu, admoviŭsia dać klatvu viernaści radzimie.
Siońnia padčas čarhovaha sudovaha pasiedžańnia vyśvietliłasia, što toj ža samy sudździa Juryj Žoraŭ jašče 8 lutaha admianiŭ ułasnaje rašeńnie «ŭ suviazi z novymi abstavinami». Što heta byli za abstaviny na sudzie nie kankretyzavałasia. U jakaści śviedki ŭ sudzie taksama vystupiŭ ŭrač, jaki rabiŭ dahlad junaka padčas pryzyvu. Jon paviedamiŭ, što dyjahnaz Źmitra Žaleźničenki — hipiertenzija, jaki davaŭ tamu adterminoŭku ad vajskovaj słužby, nie paćvierdziŭsia.
«Što tut kazać — i tak usio zrazumieła. Źmitru treba admysłovaja dyjeta. Nie viedaju, ci mahčyma heta zrabić u vajskovaj častcy», — prakamientavała Racyi sudovaje rašeńnie maci aktyvista Ałła Žaleźničenka.
Advakat junaka maje namier abskardzić rašeńnie Savieckaha sudu, a taksama padać skarhu ŭ Centralny sud u suviazi ź niezakonnym adličeńniem Źmitra Žaleźničenki z univiersitetu.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary