Rašeńnie nabudzie siłu 15 červienia.
Administracyi ŭsich rajonaŭ Minska pryniali rašeńnie ab abmiežavańni prodažy ałkaholu z 22 viečara da 9 ranicy, paviedamlaje Minharvykankam.
Pradavać ałkahol paśla 22 dazvolać tolki ŭstanovam hramadskaha charčavańnia. Kramam paśla 22 zabaroniena pradavać ałkaholnyja, słabaałkaholnyja napoi dy piva.
Sa spasyłkaj na HUUS adznačajecca, što realizacyja ałkaholnych napojaŭ u načny čas maje najbolš niehatyŭny ŭpłyŭ na kryminahiennuju situacyju ŭ stalicy.
Pakul rašeńnie nie tyčycca ŭsioj Biełarusi. Ale padčas anłajn-kanfierencyi na sajcie tvr.by namieśnik ministra handla Iryna Narkievič zhadvała prajekt ukazu, što ŭžo pastupiŭ u parłamient, jaki moža abmiežavać prodaž ałkaholu paśla 22 pa ŭsioj krainie.
Užo siońnia rašeńni ab abmiežavańni prodažu ałkaholu mohuć prymać miascovyja orhany ŭłady — naprykład, padčas zboru ŭradžaju ci vypusknych u škołach.
Čytajcie taksama:
U Biełarusi prapanujuć zabaranić prodaž ałkaholu asobam, maładziejšym za 21 hod
Doma možna zachoŭvać nie bolš za 10 litraŭ zamiežnaha ałkaholu
Kamientary