Рашэнне набудзе сілу 15 чэрвеня.
Адміністрацыі ўсіх раёнаў Мінска прынялі рашэнне аб абмежаванні продажы алкаголю з 22 вечара да 9 раніцы, паведамляе Мінгарвыканкам.
Прадаваць алкаголь пасля 22 дазволяць толькі ўстановам грамадскага харчавання. Крамам пасля 22 забаронена прадаваць алкагольныя, слабаалкагольныя напоі ды піва.
Са спасылкай на ГУУС адзначаецца, што рэалізацыя алкагольных напояў у начны час мае найбольш негатыўны ўплыў на крымінагенную сітуацыю ў сталіцы.
Пакуль рашэнне не тычыцца ўсёй Беларусі. Але падчас анлайн-канферэнцыі на сайце tvr.by намеснік міністра гандля Ірына Наркевіч згадвала праект указу, што ўжо паступіў у парламент, які можа абмежаваць продаж алкаголю пасля 22 па ўсёй краіне.
Ужо сёння рашэнні аб абмежаванні продажу алкаголю могуць прымаць мясцовыя органы ўлады — напрыклад, падчас збору ўраджаю ці выпускных у школах.
Чытайце таксама:
У Беларусі прапануюць забараніць продаж алкаголю асобам, маладзейшым за 21 год
Дома можна захоўваць не больш за 10 літраў замежнага алкаголю
Цяпер чытаюць
Бабарыка пасля сустрэчы з Пратасевічам трапіў у ШІЗА1
Каментары