Leŭšunami i praŭšunami mohuć być navat čatyrochnohija.
Kienhuru, jak i ludzi dy prymaty, čaściej karystajucca adnoj ź piarednich kancavin, ale, u adroźnieńnie ad ludziej, čaściej levaj, śćviardžajuć daśledčyki pad kiraŭnictvam pieciarburžca Jahora Małašyčava ŭ časopisie Current Biology.
Kienhuru padbirajuć listotu, nachilajuć halinki ci čyściać nos čaściej levaj łapaj. A ruda-šeryja vałabi vykarystoŭvajuć levuju łapu dla składanych dziejańniaŭ, a pravuju — tam, dzie patrebnaja fizičnaja siła.
Małašyčaŭ zaŭvažyŭ jašče 10 hod tamu, što žaby, što skočuć, radziej pakazvajuć pryjarytetnaje vykarystańnie adnoj z kancavin, čym ich rodzičy, što chodziać pa ziamli. Zatym bijołah zaŭvažyŭ schilnaść da leva- i pravarukaści ŭ laciah i chatnich aposumaŭ — sumčatych, chto pierasoŭvajucca na čatyroch łapach. Najbolš jaskravaje pryjarytetnaje vykarystańnie adnoj z kancavin vyjaviłasia ŭ «dvuchnohich» (albo «trochnohich», kali ličyć aktyŭnaje vykarystańnie chvasta) kienhuru.
Padzialeńnie na leŭšunoŭ i praŭšunoŭ dziŭnaje, bo sumčatyja nie majuć niejronnaj sietki, što źviazvaje levaje i pravaje paŭšarje mozhu dy ličycca asnoŭnaj umovaj padzialeńnia na leva- i pravarukich. Daśledčyki nadalej praciahnuć vyvučać mozh sumčatych, adrozny pa mnohich paramietrach ad inšych žyvioł. Heta zmoža, siarod inšaha, dapamahčy ŭ vyvučeńni i lekavańni šyzafrenii i aŭtyzmu.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary