Rehijanalnaje adździaleńnie partyi «RPR-Parnas» prapanavała francuzskamu akcioru Žeraru Depardjo vyłučycca ŭ hubiernatary Omskaj vobłaści.
Lidar abłasnoha filijała partyi Ihar Basaŭ raspavioŭ Ruskaj słužbie Bi-bi-si, što nakiravaŭ Depardjo list z prapanovaj stać kandydatam ad partyi.
«Kali my nie atrymajem adkaz da 1 lipienia, to na kanfierencyi rehijanalnaha adździaleńnia partyi my ŭsio roŭna vyłučym jaho kandydaturu», — rastłumačyŭ Basaŭ. Na jaho dumku i dumku jaho kaleh z omskaj jačejki partyi, Žerar Depardjo zmoža vyvieści vobłaść z taho stanu, u jakim jana akazałasia.
«Čałaviek prajšoŭ usie śfiery… Švarcenehieru nichto ž nie pieraškadžaje ŭznačalvać štat u ZŠA», — zajaviŭ lidar omskaha adździaleńnia «RPR-Parnas».
U centralnym ofisie partyi ŭsumnilisia ŭ surjoznaści hetaj inicyjatyvy, adznačyŭšy, što zajava Basava, chutčej za ŭsio, nasiła emacyjny charaktar.
Raniej eks-kiraŭnik Omskaj vobłaści padaŭ u adstaŭku, majučy namier paćvierdzić svoj status na vybarach, jakija adbuducca 13 vieraśnia.
Akcior Žerar Depardjo atrymaŭ rasijskaje hramadzianstva ŭ studzieni 2013 hoda, a paźniej prapisku ŭ stalicy Mardovii Saransku.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary