Рэгіянальнае аддзяленне партыі «РПР-Парнас» прапанавала французскаму акцёру Жэрару Дэпард'ё вылучыцца ў губернатары Омскай вобласці.
Лідар абласнога філіяла партыі Ігар Басаў распавёў Рускай службе Бі-бі-сі, што накіраваў Дэпард'ё ліст з прапановай стаць кандыдатам ад партыі.
«Калі мы не атрымаем адказ да 1 ліпеня, то на канферэнцыі рэгіянальнага аддзялення партыі мы ўсё роўна вылучым яго кандыдатуру», — растлумачыў Басаў. На яго думку і думку яго калег з омскай ячэйкі партыі, Жэрар Дэпард'ё зможа вывесці вобласць з таго стану, у якім яна аказалася.
«Чалавек прайшоў усе сферы… Шварцэнэгеру ніхто ж не перашкаджае ўзначальваць штат у ЗША», — заявіў лідар омскага аддзялення «РПР-Парнас».
У цэнтральным офісе партыі ўсумніліся ў сур'ёзнасці гэтай ініцыятывы, адзначыўшы, што заява Басава, хутчэй за ўсё, насіла эмацыйны характар.
Раней экс-кіраўнік Омскай вобласці падаў у адстаўку, маючы намер пацвердзіць свой статус на выбарах, якія адбудуцца 13 верасня.
Акцёр Жэрар Дэпард'ё атрымаў расійскае грамадзянства ў студзені 2013 года, а пазней прапіску ў сталіцы Мардовіі Саранску.
Цяпер чытаюць
Беларусы сустракаюць вызваленых палітвязняў у Вільні ФОТЫ і ВІДЭА5
Каментары