Japoncy raspracavali techniku dakładnaha kapijavańnia tvaraŭ
Štučny tvar možna razdrukavać za 3-4 tysiačy dalaraŭ.
Japonskaja kampanija Real-f prapanavała vyrab dakładnaj kopii čałaviečaha tvaru ź silikonu. Pakul vyrablajucca tolki žorstkija kopii, ale viadziecca rabota i nad ełastyčnymi maskami.
Technałohija 3DPF (trochvymiernaje fotafarmavańnie) dazvalaje skapijavać z fota ci 3D-skanu dakładnuju kopiju tvaru, u tym liku teksturu skury ci malunak kryvianosnych sasudaŭ na vačach.
Vyrab kopii tvaru pa «ŭražańni» mastaka kaštuje 3300 dalaraŭ (tolki dla Tokia), vyrab pa masivie fota albo 3D-skanie, ździejśnienym supracoŭnikami kampanii — 4620 dalaraŭ. Jašče 22 dalary buduć kaštavać dzirački dla nozdraŭ i zrenak. U pieršym vypadku pryjdziecca čakać kala troch tydniaŭ, u druhim — čatyroch, u trecim — piaci.
Pakul takija štučnyja tvary — prosta zabaŭki. Ale kampanija pracuje nad tym, kab vyrablać maski ź biaśpiečnych materyjałaŭ i zrabić ich prydatnymi dla pastajannaha našeńnia, to značyć i dla płastyčnaj chirurhii.
Kamientary