Rasijskaja fiederalnaja handlovaja sietka «220 Volt» užo padpisała dahavora na adkryćcio pieršych šaści frančajzinhavych kramaŭ u Biełarusi. Da kanca hoda buduć adkrytyja čatyry kramy ŭ Minsku, usiaho ŭ płanach sietki adkryćcio 25 kramaŭ u Biełarusi.
Pieramovy sa svaim pieršym biełaruskim partnioram kampanija viała na praciahu dvuch miesiacaŭ. Pieršaja krama budzie adkrytaja ŭžo ŭ pačatku žniŭnia, druhi — u pačatku vieraśnia.
U «220 Volt» tłumačać, što rynak Biełarusi byŭ vybrany ŭ pieršuju čarhu z-za blizkaha raźmiaščeńnia i adsutnaści prablem z łahistykaj tavaru ŭ rehijon. Aprača taho, u kampanii adznačyli stabilny rost kolkaści zakazaŭ ź Biełarusi ŭ internet-kramie «220 Volt».
«My bačym vialiki patencyjał dla raźvićcia našaj sietki na terytoryi Biełarusi i płanujem adkryć tam da 25 kramaŭ. Pieršyja buduć adkrytyja ŭ Minsku, u dalejšych płanach Mahiloŭ, Viciebsk, Orša i inšyja harady», — zaznačyŭ hienieralny dyrektar roźničnaj sietki «220 Volt» Alaksandr Špietny.
Niahledziačy na toje, što internet-krama ažyćciaŭlaje dastaŭku ŭ Biełaruś užo bolš jak hod i bolšaść kramaŭ sietki pracujuć adnačasova jak punkty vydačy zakazaŭ, pieršyja kramy ŭ Biełarusi pakul nie buduć vydavać zakazy. Pavodle słoŭ Špietnaha, pieršyja minskija kramy ŭjaŭlajuć saboj tradycyjnuju roźnicu, ale ŭ dalejšym płanujecca naładzić ich pracu i ŭ jakaści punktaŭ vydačy zakazaŭ.
«220 Volt» — adzin ź viadučych apierataraŭ na rasijskim rynku elektrainstrumienta i abstalavańnia. Sietka abjadnoŭvaje bolš jak 220 kramaŭ pa ŭsioj krainie i najbujniejšy na rasijskim rynku internet-krama DIY (zrabi sam) z dastaŭkaj va ŭsie rehijony Rasii, Biełarusi i Kazachstana. «220 Volt» zajmaje 9-je miesca ŭ rejtynhu najbujniejšych anłajn-rytejleraŭ Rasii pavodle viersii časopisa Forbes (2014 hod) i 19-je miesca ŭ śviecie siarod internet-kramaŭ katehoryi Home and garden u dynamičnym rejtynhu SimilarWeb. Kampanija źjaŭlajecca členam AKIH (Asacyjacyi kampanij internet-handlu) i RAEK (Rasijskaj asacyjacyi elektronnych kamunikacyj).
Kamientary