U Minsku vyznačanyja miescy, zabaronienyja dla praviadzieńnia pikietavańnia z metaj zboru podpisaŭ vybarščykaŭ pa vyłučeńni kandydataŭ u prezidenty Respubliki Biełaruś. Heta rašeńnie Minharvykankama ŭstupaje ŭ siłu z 23 lipienia i dziejničaje da 21 žniŭnia 2015 hoda ŭklučna, paviedamili ŭ pres-słužbie.
Pikietavańnie zabaroniena na abjektach mietrapalitena, čyhunačnaha i pavietranaha transpartu, u padziemnych piešachodnych pierachodach; na terytoryi Kastryčnickaj płoščy, płoščy Niezaležnaści, płoščy Pieramohi, płoščy Dziaržaŭnaha ściaha, Pryvakzalnaj płoščy, płoščy Jakuba Kołasa; na adlehłaści mienš jak 200 m ad budynkaŭ rezidencyj Prezidenta, Nacyjanalnaha schodu, Savieta Ministraŭ; na adlehłaści mienš jak 50 m ad budynkaŭ respublikanskich orhanaŭ dziaržaŭnaha kiravańnia, miascovych pradstaŭničych, vykanaŭčych i rasparadčych orhanaŭ, dypłamatyčnych pradstaŭnictvaŭ i konsulskich ustanoŭ, sudoŭ, orhanaŭ prakuratury, terytoryj arhanizacyj, jakija zabiaśpiečvajuć abaranazdolnaść i biaśpieku dziaržavy.
Ustanoŭlena, što pikietavańnie z metaj zboru podpisaŭ vybarščykaŭ moža pravodzicca z 8.00 da 22.00.
Hałoŭnamu ŭpraŭleńniu ŭnutranych spraŭ Minskaha haradskoha vykanaŭčaha kamiteta daručana zabiaśpiečyć achovu hramadskaha paradku ŭ Minsku ŭ čas zboru podpisaŭ vybarščykaŭ pa vyłučeńni kandydataŭ u prezidenty.
Kamientary