Sioleta moža adbycca čarhovaja misija Mižnarodnaha valutnaha fondu ŭ Minsk pry ŭmovie prahresu ŭ pieramovach ź biełaruskimi ŭładami pa novaj kredytnaj prahramie. Pra heta havorycca ŭ pres-relizie MVF, što raspaŭsiudžany pa vynikach pracy ŭ Minsku z 8 pa 15 lipienia hrupy ekśpiertaŭ fondu.
«Ekśpierty MVF i ŭłady Respubliki Biełaruś damovilisia pradoŭžyć dyjałoh pa klučavych istotnych i techničnych pytańniach, jakija nieabchodna dapracavać dla taho, kab zabiaśpiečyć padrychtoŭku prahramy», — havorycca ŭ pres-relizie MVF.
Pry ŭmovie, skazana ŭ paviedamleńni, «što ŭ hetaj pracy budzie dasiahnuty dastatkovy prahres, vizit misii dla praviadzieńnia aficyjnych pieramoŭ pa prahramie moža być zapłanavany paźniej u hetym hodzie».
Metaj ciapierašniaha vizitu misii, havorycca ŭ paviedamleńni fondu, «stała abmierkavańnie palityki ŭład Respubliki Biełaruś i płanaŭ reform, a taksama vyvučeńnie mahčymaści realizacyi prahramy MVF u ich padtrymku».
U pres-relizie fond udakładniaje, što hrupa ekśpiertaŭ praviała kanstruktyŭnyja pieramovy z uładami Biełarusi «ab dasiahnutym prahresie ŭ realizacyi palityki i płanavańni pa važniejšych kirunkach, u tym liku i ŭ śfiery strukturnych reform».
Pavodle infarmacyi BiełaPAN, padčas hetaj misii ekśpierty MVF chacieli zrazumieć, ci hatovyja biełaruskija ŭłady pravodzić reformy, akreślenyja ŭ miežach «darožnaj karty», jakija aficyjny Minsk pradstaviŭ na razhlad fondu ŭ druhim kvartale 2015 hoda.
«Darožnaja karta», jakuju biełaruskija ŭłady padrychtavali sumiesna z Suśvietnym bankam, praduhledžvaje refarmavańnie sistemy raźmierkavańnia finansavych resursaŭ u Biełarusi, refarmavańnie siektara dziaržpradpryjemstvaŭ, stvareńnie sistemy adrasnaj sacyjalnaj padtrymki z metaj adaptacyi nasielnictva da strukturnych reform.
Pavodle źviestak BiełaPAN, MVF padrychtavaŭ šerah zaŭvah da darožnaj karty, jakuju biełaruskija ŭłady pradstavili kredytoru. U pryvatnaści, fond miarkuje, što ŭsie klučavyja reformy, jakija raściahnuty ŭ «darožnaj karcie» na 3—5 hadoŭ, pavinny być praviedzieny ŭ bolš karotkija terminy (na praciahu 6—18 miesiacaŭ).
Taksama fond chacieŭ by razumieć dakładnuju metu refarmavańnia ekanomiki, jakuju staviać biełaruskija ŭłady. Aprača taho, fond chacieŭ by bačyć jašče da pačatku novaj kredytnaj prahramy ź Biełaruśsiu «śmiełyja kroki», jakija paćviardžajuć hłybokuju prychilnaść biełaruskich uład da niezvarotnych źmienaŭ u ekanomicy.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary