Zhodna z dakładam niderłandskich ekśpiertaŭ, małazijski łajnier u lipieni 2014 nad Danbasam źbili prarasijskija sieparatysty z dapamohaj rakiety ziamla-pavietra.
Pra heta paviedamlaje CNN sa spasyłkaj na krynicy, znajomyja sa źmiestam papiaredniaha dakładu.
Jak udakładniaje vydańnie, u dakumiencie, jaki składajecca ź niekalkich sotniaŭ staronak, paznačanaja dakładnaja madel rakiety, jakaja źbiła samalot, a taksama štochvilinny tajmłajn palotu MH17.
Taksama ŭ dakładzie, pa słovach krynicy, źmiaščajecca krytyka dziejańniaŭ kampanii «małajzijskich avijalinii», jakaja nie ŭličyła zaściarohi i praciahvała lotać nad niebiaśpiečnaj zonaj.
Čakajecca, što kančatkovaja viersija dakładu budzie apublikavanaja ŭ pieršaj pałovie kastryčnika 2015 hoda.
Raniej piać krain aficyjna prapanavali stvaryć mižnarodny trybunał pa hetaj spravie. Adzinaj krainaj, jakaja vystupaje kateharyčna suprać stvareńnia trybunała, źjaŭlajecca Rasija, choć jana i abvinavačvaje ŭ katastrofie ŭkrainskich vajskoŭcaŭ.
Kamientary