Biełaruś zaniała 110-je miesca ŭ rejtynhu biaśpiečnych krain, Rasija — u dziasiatcy samych niebiaśpiečnych dla žyćcia
Biełaruś zaniała 110-je miesca ŭ śpisie biaśpiečnych/niebiaśpiečnych dla žyćcia krain, składzienym mižnarodnaj hrupaj Instytuta miru.
Usiaho ŭ śpisie 162 krainy: ad samaj biaśpiečnaj da niebiaśpiečnaj. Samymi niebiaśpiečnymi pryznanyja (z 151-ha miesca pa 162-je), ź vielmi vysokim uzroŭniem niebiaśpieki, pryznanyja Nihieryja, Rasija, Paŭnočnaja Kareja, Pakistan, DR Konha, Sudan, Samali, CAR, Paŭdniovy Sudan, Afhanistan, Irak, Siryja. Siryja — samaja niebiaśpiečnaja dla žyćcia kraina.
Krainy z vysokim uzroŭniem niebiaśpieki iduć sa 116-ha pa 150-je miescy. Naprykład, Ukraina na nizkim, pamiežnym, 150-m miescy.
Biełaruś uklučana ŭ śpis krain ź siarednim uzroŭniem biaśpieki/niebiaśpieki (krainy z 64-ha pa 115-je miescy). Nižej za nas u hetym pieraliku Kambodža, Uhanda, Šry-Łanka, Konha. Vyšej za nas Jamajka (109-ja), Tadžykistan (108-ja), Papua-Novaja Hvinieja (96-ja), ZŠA (94-ja).
Samaj biaśpiečnaj krainaj pryznana Isłandyja.
Na druhim miescy raźmiaściłasia Danija, a na trecim — Aŭstryja. U pieršaj dziasiatcy samych biaśpiečnych krain ŭ asnoŭnym jeŭrapiejskija dziaržavy (Šviejcaryja, Finlandyja, Čechija). Vyklučeńniami stali Novaja Ziełandyja (4-ja), Kanada (7-je miesca) i Aŭstralija (9-je miesca). Polšča — 19-ja, Litva — 37-ja, Estonija — 38-ja.
Rejtynh Global Peace Index isnuje z 2007 hoda. Pry jaho składańni ŭličvajucca 23 faktary, u lik jakich uvachodziać jak unutranyja - naprykład, uzrovień hvałtu ŭ krainie i złačynnaść, tak i źniešnija - mižnarodnyja adnosiny krainy i vydatki na vajennyja patreby.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram17
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary