Supracoŭniki adździaleńnia narkakantrolu Leninskaha RAUS Bresta zatrymali dvuch vuličnych muzykaŭ pa padazreńni ŭ zbycie psichatropnych rečyvaŭ, paviedamili karespandentu BIEŁTA ŭ adździaleńni infarmacyi i hramadskich suviaziej UUS Bresckaha abłvykankama.
U złačynnym biznesie abvinavačanyja žychary Bresta 1989 i 1991 hadoŭ naradžeńnia.
Ź lutaha biahučaha hoda para muzykaŭ rehularna vystupała na piešachodnaj vulicy Savieckaj — upadabanym miescy adpačynku bieraściejskaj moładzi. Adnak duet akazaŭsia kryminalny.
Apieratyŭnaje nazirańnie pakazała, što skrypač i hitaryst nie tolki sami ŭžyvali psichatropy, ale i zbyvali ich. Pryčym adzin z muzykaŭ raniej traplaŭ u lačebnuju ŭstanovu z-za pieradozu narkotykaŭ.
«Schiema kupli-prodažu była prostaja, — rastłumačyŭ namieśnik načalnika ŭpraŭleńnia narkakantrolu i procidziejańnia handlu ludźmi Uładzimir Žyhar. — Hrošy zamoŭcy kidali ŭ kapialuš pad vyhladam płaty za mastactva. U siarednim cana dozy spajsaŭ składała Br250 tys. Muzyki źviartali ŭvahu na pamier kupiur. Kali jany byli značnyja, tut ža na miescy tavar uzvažvali i addavali».
Muzyki byli zatrymanyja 5 žniŭnia. Pry asabistym vobšuku ŭ ich kanfiskavanyja psichatropnyja rečyvy i elektronnyja vahi.
Na adnaho ź fihurantaŭ raspačata kryminalnaja sprava pa č.3 art.328 (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ). Maładomu čałavieku pahražaje da 15 hadoŭ pazbaŭleńnia voli.
U dačynieńni da druhoha pravodzicca pravierka na pradmiet jaho dačynieńnia da zbytu psichatropaŭ.
U cełym pa Bresckaj vobłaści za šeść miesiacaŭ 2015 vyjaŭlena 568 złačynstvaŭ pa linii narkakantrolu (na 81 złačynstva bolš, čym za anałahičny pieryjad 2014), ź jakich 222 źviazany sa zbytam.
Kanfiskavana bolš za 16 kh narkatyčnych srodkaŭ i psichatropnych rečyvaŭ.
Sioleta ŭ balnicy vobłaści ź pieradaziroŭkaj narkotykaŭ dastaŭleny 57 čałaviek, ź ich bolš za 40 paciarpieli ad spajsaŭ.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary