Advakat svajakoŭ achviar Elmar Himuła ličyć vysokimi šancy na razhlad spravy ŭ Złučanych Štatach.
Svajaki achviaraŭ katastrofy samalota Germanwings ŭ francuzskich Alpach płanujuć padać pazoŭ suprać Lufthansa, jakaja źjaŭlajecca maciarynskaj kampanijaj Germanwings, u sud u ZŠA. Pra heta advakat svajakoŭ achviar Elmar Himuła zajaviŭ u intervju haziecie Bild am Sonntag, apublikavanym u niadzielu, 9 žniŭnia.
Advakat, jaki pradstaŭlaje intaresy 39 siemjaŭ zahinułych, ličyć, što jość vialiki šaniec na razhlad hetaj spravy ŭ ZŠA. Pavodle jaho słoŭ, pazoŭ u ZŠA maje na mecie ŭstalavać z dapamohaj miascovaj sistemy pazasudovaj pravierki dokazaŭ, «čamu naohuł stała mahčymym, kab druhi piłot z paćvierdžanymi psichičnymi prablemami i adpaviednym anamniezam, mieŭ dazvoł na palot».
Jak paviedamlaje vydańnie, kampiensacyja ŭ vypadkach avijacyjnych katastrof u ZŠA, jak praviła, u 10 razoŭ vyšej, čym u Hiermanii. Zrešty, pakul niezrazumieła, na jakoj pravavoj padstavie advakat płanuje damahčysia razhladu spravy suprać niamieckaj avijakampanii ŭ sudzie ŭ Złučanych Štatach.
Lufthansa ŭžo cpłaciła 50 000 jeŭra za kožnuju achviaru i pahadziłasia apłacić jašče 25 000 jeŭra ŭ jakaści kampiensacyi kožnaj siamji za stratu blizkaha čałavieka. Akramia taho, 10 000 jeŭra atrymaje kožny blizki svajak achviary, adznačajecca ŭ paviedamleńni ahienctva AFP.
Nahadajem, pasažyrski samalot Germanwings, jaki lacieŭ rejsam Barsiełona — Dziusieldorf, raźbiŭsia ŭ francuzskich Alpach 24 sakavika. Usie 150 pasažyraŭ i členy ekipaža zahinuli. Pavodle dadzienych rasśledavańnia, da katastrofy pryviali naŭmysnyja dziejańni druhoha piłota, jaki, skarystaŭšysia časovaj adsutnaściu ŭ kabinie kamandzira ekipaža, skiravaŭ samalot na skały.
Kamientary