Rusłan Asłanaŭ z Tarasava pradstavić Biełaruś na dziciačym «Jeŭrabačańni-2015»
Trynaccacihadovy Rusłan Asłanaŭ ź vioski Tarasava Minskaha rajona vyjhraŭ nacyjanalny adboračny tur dziciačaha konkursu pieśni «Jeŭrabačańnie-2015».
Pieramožca vyznačaŭsia ŭ vyniku padsumavańnia bałaŭ, nabranych kožnym udzielnikam padčas hałasavańnia hledačoŭ, i acenak žury.
Rusłan Asłanaŭ atrymaŭ najvyšejšyja adznaki jak ad žury, tak i ad telehledačoŭ — pa 12 bałaŭ.
Akramia Asłanava ŭ finale ŭdzielničali jašče dzieviać kankursantaŭ: duet Lizaviety Kozak i Aleny Toŭścik (Kobryn, Bresckaja vobłaść), hrupa «Niasumny ŭzrost» (Minsk), Anhielina Vasileŭskaja (Minsk), Maryja Novik (Minsk), ansambl «Zaranak» (Minsk), Alaksandr Machańkoŭ (Minsk), Maryja Mahilnaja (Mahiloŭ), Lizavieta Muraŭjova (Minsk), Zinaida Kupryjanovič (Minsk).
Usiaho ŭ tvorčych spabornictvach braŭ udzieł 41 kankursant, ale tolki 10 ź ich prajšli adbor pa vynikach prasłuchoŭvańnia.
Rusłan Asłanaŭ budzie pradstaŭlać Biełaruś na mižnarodnym dziciačym konkursie pieśni «Jeŭrabačańnie-2015», jaki projdzie 21 listapada ŭ Safii.
Asłanaŭ ź`iaŭlajecca finalistam ukrainskaha prajekta «Hołas. Dzieci», zaniaŭ treciaje miesca ŭ konkursie «Dziciačaja Novaja chvala», udzielničaŭ u šerahu inšych muzyčnych konkursaŭ i prajektaŭ.
Kamientary