Руслан Асланаў з Тарасава прадставіць Беларусь на дзіцячым «Еўрабачанні-2015»
Трынаццацігадовы Руслан Асланаў з вёскі Тарасава Мінскага раёна выйграў нацыянальны адборачны тур дзіцячага конкурсу песні «Еўрабачанне-2015».
Пераможца вызначаўся ў выніку падсумавання балаў, набраных кожным удзельнікам падчас галасавання гледачоў, і ацэнак журы.
Руслан Асланаў атрымаў найвышэйшыя адзнакі як ад журы, так і ад тэлегледачоў — па 12 балаў.
Акрамя Асланава ў фінале ўдзельнічалі яшчэ дзевяць канкурсантаў: дуэт Лізаветы Козак і Алены Тоўсцік (Кобрын, Брэсцкая вобласць), група «Нясумны ўзрост» (Мінск), Ангеліна Васілеўская (Мінск), Марыя Новік (Мінск), ансамбль «Заранак» (Мінск), Аляксандр Маханькоў (Мінск), Марыя Магільная (Магілёў), Лізавета Мураўёва (Мінск), Зінаіда Купрыяновіч (Мінск).
Усяго ў творчых спаборніцтвах браў удзел 41 канкурсант, але толькі 10 з іх прайшлі адбор па выніках праслухоўвання.
Руслан Асланаў будзе прадстаўляць Беларусь на міжнародным дзіцячым конкурсе песні «Еўрабачанне-2015», які пройдзе 21 лістапада ў Сафіі.
Асланаў з`яўляецца фіналістам украінскага праекта «Голас. Дзеці», заняў трэцяе месца ў конкурсе «Дзіцячая Новая хваля», удзельнічаў у шэрагу іншых музычных конкурсаў і праектаў.
-
«Дагэтуль шкадую, што не стала лекарам». Пагутарылі са Святланай Бень пра новы альбом, жыццё ў Берліне, «чорныя спісы» і справядлівасць
-
Вядомы расійскі рэпер ніяк не можа выступіць у Мінску — то з законамі не шчасціць, то са здароўем
-
«Спачатку мы пяць дзён запар пілі піва, а потым пайшлі ў студыю». Беларусы стварылі панк-гурт у Амерыцы і запісалі альбом па-беларуску
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў93
Каментары