Viadomyja rasiejskija dziejačy padpisali daradčyja listy dla naminacyi staršyni Biełaruskaj sacyjał‑demakratyčnaj partyi (Hramada) Alaksandra Kazulina na premiju Andreja Sacharava, jakaja štohod prysudžajecca Eŭrapiejskim parlamentam.
Siarod padpisantaŭ — Alena Boner, udava akademika Sacharava i staršynia fondu jahonaha imia. Racyja znajšła jaje ŭ Bonie.
‑ Alena Hieorhijeŭna, čamu padpisali zvarot u Jeŭraparłamient?
‑ Tamu, što čałaviek pavažany.
‑ Jak vy ličycie, chto jašče ź biełaruskich apazicyjanieraŭ zasłuhoŭvaje mižnarodnaha pryznańnia?
‑ Usie zasłuhoŭvajuć. Tyja proźviščy, jakija ja viedaju… Praŭda, ni z kim ź biełaruskich apazicyjanieraŭ ja asabista nie znajomaja… Mnie padajecca, usie prystojnyja ludzi.
‑ Takija premii — heta tolki finansavaja padtrymka paciarpiełych ci ŭsio ž taki krok da demakratyi ŭ krainie?
‑ Liču, što finasavaja padtrymka paciarpiełych — heta tolki ŭ druhuju čarhu. U pieršuju — zvarot uvahi hramadstva da toj dziejnaści, jakaja vyklikaje vysokuju pavahu i zachapleńnie zachodnich sadružnaściaŭ.
‑ Ci nie daremnyja ŭsie hetyja achviary, kali na praciahu stolkich hadoŭ bolšaść vybiraje dyktaturu?
‑ Pa‑pieršaje, zmahańnie z dyktaturaj ciahniecca jašče nie tak šmat času. A, pa‑druhoje, ništo nie byvaje daremnym.
‑ Vy dapuskajecie, što ŭ Rasii chutka buduć sadžać u turmy za toje ž, za što sadžajuć niaŭhodnych u Biełarusi?
‑ Viadoma ž! Ja ŭvohule nie liču, što ŭ Biełarusi z vykanańniem pravoŭ čałavieka horš, čymści ŭ Rasii. I ja zaŭždy nie razumieła, čamu Zachad usprymaje Łukašenku jak krajnie niehatyŭnaha lidera, a rasijskaha prezidenta tak nie ŭsprymajuć. Łukašenka — piersona non‑hrata. A pa‑mojmu, heta Pucin varty takoho tytułu… Adzinaje tłumačeńnie: Zachad baicca mocnuju dziaržavu. A Biełaruś… U jaje ni nafty, ni hazu. A, miž inšym, heta taja ž Biełaruś, jakaja padčas Vialikaj Ajčynnaj svaim ciełam Rasiju prykryła.
‑ Aŭtarytarny režym u Rasii — heta nadoŭha?
‑ Nadoŭha! Vielmi nadoŭha!
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary