«Adureć! Dalar — 18 tysiač!»: aktualnyja kursy ŭ abmieńnikach, najaŭnaść valuty i reakcyja ludziej
Kala staličnych abmiennych punktaŭ stanovišča adnosna spakojnaje, valuta ŭ kasach była. Taki vynik manitorynhu, jaki pravioŭ BiełaPAN viečaram 24 žniŭnia (z 18 da 19 hadzin) u centry horada.
Karespandent abyšoŭ punkty abmienu valuty i adździaleńni «Biełarusbanka», «Biełhazprambanka», «Banka BiełVEB», «Bielinviestbanka», «MTBanka» i «Technabanka». Hramadzianie aktyŭna cikavilisia kursami, niekatoryja ŭsłych kamientavali («Dołar amal 18. Ašaleć!», «Boža moj, dziaržava rodnaja!»). Apieracyi ažyćciaŭlalisia jak pa kupli, tak i pa prodažy valuty. Čerhi byli nievialikija — ad dvuch da dzieviaci čałaviek.
Pavodle słoŭ apieratara adnoj z kas «Biełhazprambanka», situacyja adroźnivajecca ad śniežańskaj, kali nabyć valutu było praktyčna niemahčyma. Na pytańnie, ci možna kupić niekalki tysiač dołaraŭ, jana adkazała śćviardžalna. Adna z klijentak u kasie «Technabanka» kala CUMa nabyła bujnuju sumu ŭ valucie. Pierad joju niekalki čałaviek dołary pradavali.
Kurs kupli dołara ŭ hetych abmiennych punktach składaŭ 17.300—17.750 rubloŭ, prodažu — 17.950—18.200, kurs jeŭra — adpaviedna 19.700—20.000 i 20.750—21.300 rubloŭ, rasijskaha rubla — 235—248 i 254—260.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary