«Mis Biełaruś» Maryja Vasilevič raskazała, jak i dzie naradžała i jak ciapier adnaŭlajecca

Syn Maryi i jaje muža Alaksandra Žyłača źjaviŭsia na śviet u siomym radzilnym domie Minska.

«Kali na vośmym-dziaviatym miesiacy ja adčuła, što pačynaju bajacca, pierabudavała siabie sa strachu na cikavaść. I ŭ majoj hałavie pasialiłasia dumka: «Cikava, a jak jano projdzie?» — zhadvaje Maryja svaju baraćbu z tryvohaj.

Rody byli partniorskimi, a viała ich zahadčyca adździaleńnia Iryna Zamara. «Vielmi čułaja, umieje słuchać i nievierahodna prafiesijnaja», — piša Vasilevič.

Da taho ž, «muž byŭ zaŭsiody pobač».

Maryja mieła madelnyja paramietry — 53,5 kh pry roście 176 sm. Niahledziačy na parady niekatorych lekaraŭ nabrać vahu jašče da ciažarnaści, jana prytrymlivałasia dumki: kali analizy i samaadčuvańnie ŭ normie, značyć, heta i jość rabočaja vaha. Padčas ciažarnaści jana nabrała 8,5 kh.

«Ja taksama na svaim šlachu časta sustrakała lekaraŭ, jakija nastojvali na tym, što ja pavinna nabrać vahu. Ale ja dla siabie zrabiła takuju vysnovu:

• Kali ŭ vas zdarovyja adnosiny ź ježaj (vy biez pakut sumleńnia možacie sabie dazvolić toj samy zapavietny tort u luby čas dnia i nočy).
• Vašy analizy i samaadčuvańnie ŭ normie.
• U vas dastatkova enierhii.
• Vaša vaha stabilnaja.
• Značyć, hetaja ličba (navat kali jana nie ŭpisvajecca ŭ tablicy lekara) — vaša norma», — miarkuje jana.

«Dziaŭčatki, nikoli nie paraŭnoŭvajcie svaje ličby ź inšymi. Sama zajmałasia hetym hadoŭ 8, ni da čaho dobraha heta nie pryvodzić. Arhanizmy nastolki va ŭsich unikalnyja, što niama ŭniviersalnych norm dla ŭsich. Adziny aryjencir — vaša samaadčuvańnie, enierhija i zdaroŭje (fizičnaje i mientalnaje)», — piša jana.

Pavialičyć

Da ciažarnaści Maryja aktyŭna zajmałasia sportam — joha, siłavyja, kardyjo, piłates.

«U pieršym trymiestry ja marna sprabavała zajmacca akuratna doma, ale praz 5‑10 chvilin ja ŭžo lažała na kanapie ź dzikaj zadyškaj i stomaj, jak paśla marafonu. U 2— 3‑m trymiestry byli zaniatki johaj i piłatesam dla ciažarnych — tut mnie bolš piłates spadabaŭsia».

U vyniku byli zaradka-raściažka-joha na 15 chvilin. Ale kožnuju ranicu.

Na ździŭleńnie samoj Maryi, arhanizm padčas vynošvańnia dziciaci «zapracavaŭ u poŭnuju moc»: deficyt vitaminaŭ, ź jakim jana zmahałasia raniej, źnik sam pa sabie.

Ale byli stoma i adsutnaść apietytu ŭ pieršym trymiestry. Sa smakavych pieravah — nie chacieła čyrvonaha miasa ŭ pieršym trymiestry, i była poŭnaja admova ad kavy ŭ pieršym i trecim. «Krejdu nie jeła», — dadaje Vasilevič.

Vasilevič kaža, što abyšłasia biez surjoznych raściažak paśla rodaŭ dziakujučy hienietycy, bo karystacca śpiecyjalnymi kremami časta lenavałasia. Paśla rodaŭ jana pakul vykarystoŭvaje tolki tejpy na myšcach žyvata i płanuje viarnucca ŭ sport.

Na pytańnie «Jak vam udałosia viarnucca ŭ formu?» adkazała: «Ja jašče nie viarnułasia))».

Maryja Vasilevič stała viadomaja nie tolki dziakujučy karonie pryhažości, ale i svajoj palityčnaj karjery. U 22 hady jana stała samaj maładoj deputatkaj Pałaty pradstaŭnikoŭ. U 2020 hodzie jana publična naviedvała źbitych pratestoŭcaŭ u balnicy. Paśla zakančeńnia deputackaha terminu ŭ 2024 hodzie jana źmianiła śfieru dziejnaści i stała viadučaj dziciačaj pieradačy «Kałychanka». Z najbližejšaha atačeńnia Łukašenki paśla 2020 hoda, jak vyhladaje, jana vypała.

U 2025 hodzie stała viadoma, što jana pabrałasia šlubam z Alaksandram Žyłačam. Heta — były futbalist, jon hulaŭ u FK «Uzda». Pracuje jon u śfiery budoŭli. Raniej ŚMI pisali pra Alaksandra jak pra kiraŭnika niekatorych prajektaŭ u RUP «Biełbudcentr» u Piciery.

• 1
• 2
• 0
• 0
• 0
• 0
• 0
• 0