Narodny artyst SSSR Michaj Vałancir, jaki syhraŭ Budułaja ŭ filmie «Cyhan», pamior u Małdavii na 82-m hodzie žyćcia.
U apošnija miesiacy žyćcia akcior znachodziŭsia ŭ ciažkim stanie ŭ špitali horada Bielcy. U jaho było ankałahičnaje zachvorvańnie i dyjabiet z uskładnieńniami na vočy. U apošnija hady Vałancir amal ničoha nie bačyŭ. Z 1990-ch hadoŭ jon pieranios niekalki apieracyj.
Tym nie mienš akcior da 2014 hoda praciahvaŭ słužyć u teatry.
Michaj Vałancir naradziŭsia ŭ Małdovie ŭ 1934 hodzie. Za svaju doŭhuju karjeru jon syhraŭ u mnostvie viadomych filmaŭ. Siarod ich — «U zonie asablivaj uvahi», «Ad Buha da Visły», «Ślady piarevaratnia» dy inšyja karciny. Samaj viadomaj jaho rolaj zastajecca Budułaj Ramanaŭ z telefilmaŭ «Cyhan» i «Viartańnie Budułaja».
Akcior byŭ udastojeny zvańniaŭ Narodny artyst Małdaŭskaj SSR i Narodny artyst SSSR, a taksama źjaŭlaŭsia łaŭreatam Dziaržaŭnaj premii RSFSR.
Vałancir u asnoŭnym žyŭ u rodnym horadzie Bielcy i redka jaho pakidaŭ. Jon aktyŭna słužyŭ u małdaŭskich teatrach u jakaści akciora i režysiora. U 2014 hodzie na ekrany vyjšaŭ pieršy dakumientalny film pra akciora.
Kamientary