Kiraŭnik MZS Vienhryi: Treba kazać ščyra, patencyjnych biežancaŭ — ad 30 da 35 młn čałaviek
Kiraŭnik MZS Vienhryi Pieter Sijarta (Péter Szijjártó) ličyć, što patencyjalnymi biežancami ŭ krainy Jeŭrasajuza źjaŭlajucca 30—35 młn čałaviek.
Pra heta paviedamlaje vienhierski partał VS.hu..
«Jeŭrapiejskija krainy pavinny ŭmacoŭvać svaje miežy, tamu što na Stary kantynient moža prybyć 30—35 młn biežancaŭ. Hetyja krainy bajacca nazyvać rečy svaimi imionami», — skazaŭ Sijarta.
«Bo krytykavać lahčej za toje, kab niešta rabić», — dadaŭ jon. Pavodle słoŭ ministra, Jeŭropa pavinna vyrazna dać zrazumieć, što nie zmoža pryniać sotni tysiač i miljony mihrantaŭ.
«Karysna było b u hetaj situacyi zachavać i ŭmacavać Šenhienskuju sistemu», — adznačyŭ ministr.
Z 15 vieraśnia ŭstupiła ŭ siłu novaje mihracyjnaje zakanadaŭstva Vienhryi, jakoje abmiažoŭvaje prybyćcio mihrantaŭ u krainu i dazvalaje ich zatrymlivać.
18 vieraśnia Vienhryja prystupiła da ŭźviadzieńnia aharodžy na miažy z Charvatyjaj, a 16 vieraśnia pačała padrychtoŭki da budaŭnictva 70-kiłamietrovaj ściany na miažy z Rumynijaj.
Načalnik milicyi Brahina stralaŭ u svaju žonku. Jana cudam vyžyła9
Kamientary