Kiraŭnik Nacyjanalnaha banka Małdovy Doryn Drehucanu i pieršy vice-prezident Maryn Małašah sychodziać u adstaŭku. Zajava prahučała na siońniašniaj pres-kanfierencyi.
Pa słovach Doryna Drehucanu, heta vymušany krok, źviazany z palityčnym ciskam.
«My prosim palitykaŭ ustrymacca ad zajaŭ i pakinuć NBM rabić svaju pracu. Adstaŭka vyklikana ciskam, akazanym niekatorymi palitykami. Jany vyrašyli vykarystoŭvać brudny sposab. Kali b my nie syšli, ich arhumienty nanieśli b škodu Nacbanku. Čas pakaža, što staić za hetymi napadkami», — dadaŭ jon.
Drehucanu zajmaŭ pasadu kiraŭnika Nacbanka z 6 listapada 2009 hoda. Da hetaha jon zajmaŭ pasadu dyrektara adździeła aŭdytu ŭ kampanii PricewaterhouseCoopers Serbia.
Siońnia taksama stała viadoma, što staršynia parłamienta Andryjan Kandu źviarnuŭsia ŭ Mižnarodny valutny fond z prośbaj pravieści niezaležnuju ekśpiertyzu dziejnaści Nacyjanalnaha banka za pieryjad vyvadu hrošaj z troch prablemnych finansavych ustanoŭ — Banca de Economii, Banca Socială i Unibank.
Kamientary