Кіраўнік Нацыянальнага банка Малдовы Дорын Дрэгуцану і першы віцэ-прэзідэнт Марын Малашаг сыходзяць у адстаўку. Заява прагучала на сённяшняй прэс-канферэнцыі.
Па словах Дорына Дрэгуцану, гэта вымушаны крок, звязаны з палітычным ціскам.
«Мы просім палітыкаў устрымацца ад заяў і пакінуць НБМ рабіць сваю працу. Адстаўка выклікана ціскам, аказаным некаторымі палітыкамі. Яны вырашылі выкарыстоўваць брудны спосаб. Калі б мы не сышлі, іх аргументы нанеслі б шкоду Нацбанку. Час пакажа, што стаіць за гэтымі нападкамі», — дадаў ён.
Дрэгуцану займаў пасаду кіраўніка Нацбанка з 6 лістапада 2009 года. Да гэтага ён займаў пасаду дырэктара аддзела аўдыту ў кампаніі PricewaterhouseCoopers Serbia.
Сёння таксама стала вядома, што старшыня парламента Андрыян Канду звярнуўся ў Міжнародны валютны фонд з просьбай правесці незалежную экспертызу дзейнасці Нацыянальнага банка за перыяд вываду грошай з трох праблемных фінансавых устаноў — Bancа de Economii, Banca Socială і Unibank.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае10
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары