Premjer-ministr Izraila Bińjamin Nietańjachu abjaviŭ ab sumiesnych z Rasijaj płanach pa kaardynacyi vajennych dziejańniaŭ u Siryi.
«Majoj metaj było vyklučyć nieparazumieńnie pamiž izrailskaj armijaj i rasijskimi padraździaleńniami», — zajaviŭ Nietańjachu paśla pieramovaŭ u Maskvie z prezidentam Rasii Uładzimiram Pucinym.
Pa słovach izrailskaha premjera, lidaram dźviuch krain udałosia damovicca pra miechanizmy praduchileńnia situacyj, jakija mahli b pryvieści da vypadkovaj pierastrełki pamiž vajskoŭcami Izraila i Rasii.
Izrailski premjer pryjechaŭ u Maskvu razam z načalnikam Hienieralnaha štaba armii i kamandziram vajennaj vyviedki.
Z samaha pačatku było abvieščana, što abmiarkoŭvacca budzie situacyja ŭ Siryi. «Ja tut u suviazi sa składanaj situacyjaj u śfiery biaśpieki, jakaja stanovicca ŭsio bolš składanaj na našaj paŭnočnaj miažy», — zajaviŭ u pačatku sustrečy Nietańjachu.
Ahienctva Rejter, cytujučy nienazvanuju krynicu, blizkuju da izrailskaj delehacyi, paviedamiła, što razmova na pieramovach u Maskvie moža iści pra toje, što Rasija i Izrail vyrazna raźmiažujuć zony, u jakich buduć pravodzicca apieracyi ŭ Siryi, ci navat damoviacca ab tym, što adzin bok budzie ździajśniać paloty avijacyi ŭdzień, a inšy ŭnočy.
Hladzicie taksama: U Siryju adpravili 1.700 rasijskich vajskoŭcaŭ
Ciapier čytajuć
Što Babaryka i Kaleśnikava adkazali na pytańni pra vajnu111
Kamientary