Biełaruski naftatrejdar prabiŭsia ŭ elitu rasijskaha biźniesu
U rejtynhu, składzienym analitykami ahienctva «Ekśpiert RA» na padstavie abjomu prodažaŭ u 2014 hodzie, TAA «Jeŭrapiejskaja trejdynhavymi kampanija» (JETK), jakaja naležyć biełaruskaj dziaržavie, zaniała 516-je miesca. Za minuły hod kampanija pradała na rasijskim rynku naftapraduktaŭ na sumu 17,8 młrd rasijskich rubloŭ, piša «Zaŭtra tvajoj krainy».
Centralny ofis «JETK» znachodzicca ŭ Smalensku. Adzinym zasnavalnikam TAA «JETK» źjaŭlajecca zakrytaje akcyjaniernaje tavarystva «Biełaruskaja naftavaja kampanija».
Mienavita dla arhanizacyi i pavieličeńnia pastavak vysakajakasnych biełaruskich naftapraduktaŭ na rasijski rynak i była stvorana try hady tamu «Jeŭrapiejskaja triejdynhavaja kampanija».
Jana — asnoŭny eksparcior ŭ RF naftapraduktaŭ z resursu biełaruskich dziaržpradpryjemstvaŭ AAT «Naftan» i AAT «Mazyrski NPZ».
TAA «JETK» pradaje naftapradukty na dvuch najbujniejšych rasijskich biržavych placoŭkach: Sankt-Pieciarburhskaj mižnarodnaj tavarna-syravinnaj biržy i «Biržy «Sankt-Pieciarburh», a taksama pastaŭlaje ich uładalnikam sietak AZS, naftabaz i inšym spažyŭcam.
U sakaviku hetaha hoda TAA «JETK» u supracoŭnictvie ź viadomym rasijskim finansistam, uładalnikam «Finansavaha doma «Solid» i «Solid Banka» Uładzimiram Siemierninym, pačała ŭ Smalensku prodaž paliva na dźviuch AZS pad brendam Beloil. Płanavałasia, što ŭ buduć sioleta adkrytyja jašče 3-4 aŭtazapraŭki pad hetym brendam. A ŭ 2016-m partniory majuć namier achapić jašče try rehijony Rasii i pašyryć svaju prysutnaść na rynku da 20 AZS.
Ale ekśpierty sumniajucca, što hetyja płany zbuducca. Cikavaść biełaruskaha pastaŭščyka da rynku ŭschodnich susiedziaŭ z-za devalvacyi rasijskaha rubla ŭ apošni čas padaje. Niahledziačy na niezadavolenaść rasiejskich uładaŭ, biełarusy prytarmazili adhruzki paliva.
Tym nie mienš, «Jeŭrapiejskaja trejdynhavymi kampanija» na hety raz akazałasia adzinym pradstaŭnikom našaj krainy ŭ top-600 najbujniejšych biznesaŭ Rasii.
U minułym hodzie ŭ rejtynh ahienctva «Ekśpiert RA» ŭvachodzili dva pradpryjemstvy ź biełaruskim kapitałam: Mižnarodny aŭtamabilny chołdynh «Atłant-M» i TAA «MahiloŭLiftZapčastka». A ŭ 2013-m u hetym śpisie značylisia «Atłant-M» i Handlovy dom «BiełAZ».
Kamientary