My sačyli za Nobeleŭskaj premijaj u žyvym efiry. Vielmi rady, što litaraturny Nobel atrymała Śviatłana Aleksijevič. Ščaślivyja, što heta narešcie zdaryłasia. My vielmi daŭno čakajem hetaha — z tych časoŭ, kali byŭ naminavany Vasil Bykaŭ, Ryhor Baradulin, Uładzimier Niaklajeŭ. I voś narešcie heta zdaryłasia. Heta najvialikšaja padzieja dla ŭsioj biełaruskaj litaratury, kultury i našaj krainy. Ja vinšuju ŭsich, u pieršuju čarhu samu Śviatłanu Aleksijevič», — skazaŭ Svabodzie staršynia Sajuzu biełaruskich piśmieńnikaŭ.
Barys Piatrovič vykazaŭ mierkavańnie, što litaraturny Nobel zamiryć prychilnikaŭ i praciŭnikaŭ Śviatłany Aleksijevič:
«Jany pavinny prymirycca. Śviatłana Alaksandraŭna była, jość i zastajecca hramadziankaj Biełarusi. A biełaruskaja litaratura zaŭsiody isnavała nia tolki na biełaruskaj movie, jany była na roznych movach. Tak što ja dumaju, što heta stanie punktam, ź jakoha pačniecca zamireńnie»
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary