Jak paviedamlaje UUS Hrodzienskaha abłvykankama, supracoŭniki milicyi zatrymali žychara Hrodna, jaki zbyvaŭ spajsy. Chłopiec 1993 hoda naradžeńnia, taksist, spaŭ u słužbovym aŭtamabili z uklučanym ruchavikom, čym pryciahnuŭ uvahu milicyjanieraŭ.
Pračnuŭšysia i ŭśviadomiŭšy, što pierad im supracoŭniki orhanaŭ unutranych spraŭ, małady čałaviek śpiešna vyjšaŭ z mašyny i vykinuŭ skrutak. Padčas asabistaha nadhladu jašče adzin pakiecik byŭ znojdzieny ŭ jaho ŭ kišeni. Jak paźniej vyśvietliłasia, narkadyler sprabavaŭ pazbavicca ad asabliva niebiaśpiečnaha psichatropnaha rečyva i sam u hety momant znachodziŭsia pad jaho ŭździejańniem.
Padčas dalejšych apieratyŭna-vyšukovych mierapryjemstvaŭ supracoŭnikami narkakantrolu ŭ roznych miescach abłasnoha centra byli likvidavanyja 23 zakładki spajsaŭ. Infarmacyja ab ich miescaznachodžańni była ŭ mabilnym telefonie padazronaha.
Sprava raspačataja na padstavie č. 3 art. 328 KK (niezakonny abarot narkatyčnych srodkaŭ, psichatropnych rečyvaŭ i prekursoraŭ). U dačynieńni da maładoha čałavieka prymienienaja miera strymańnia ŭ vyhladzie ŭziaćcia pad vartu. Ustanaŭlivajucca saŭdzielniki złačynstva.
Jak paviedamili va UUS Hrodzienskaha abłvykankama, chłopiec sirata.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie16
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary