Як паведамляе УУС Гродзенскага аблвыканкама, супрацоўнікі міліцыі затрымалі жыхара Гродна, які збываў спайсы. Хлопец 1993 года нараджэння, таксіст, спаў у службовым аўтамабілі з уключаным рухавіком, чым прыцягнуў увагу міліцыянераў.
Прачнуўшыся і ўсвядоміўшы, што перад ім супрацоўнікі органаў унутраных спраў, малады чалавек спешна выйшаў з машыны і выкінуў скрутак. Падчас асабістага надгляду яшчэ адзін пакецік быў знойдзены ў яго ў кішэні. Як пазней высветлілася, наркадылер спрабаваў пазбавіцца ад асабліва небяспечнага псіхатропнага рэчыва і сам у гэты момант знаходзіўся пад яго ўздзеяннем.
Падчас далейшых аператыўна-вышуковых мерапрыемстваў супрацоўнікамі наркакантролю ў розных месцах абласнога цэнтра былі ліквідаваныя 23 закладкі спайсаў. Інфармацыя аб іх месцазнаходжанні была ў мабільным тэлефоне падазронага.
Справа распачатая на падставе ч. 3 арт. 328 КК (незаконны абарот наркатычных сродкаў, псіхатропных рэчываў і прэкурсораў). У дачыненні да маладога чалавека прымененая мера стрымання ў выглядзе ўзяцця пад варту. Устанаўліваюцца саўдзельнікі злачынства.
Як паведамілі ва УУС Гродзенскага аблвыканкама, хлопец сірата.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары