Uładzimir Niaklajeŭ. Epachalny razvarot
Voś jakaja razmova z daŭnim znajomcam vyjšła ŭ mianie hetymi dniami.
Sustrelisia vypadkova. Jon ź ciapierašnich bahatych, maje kvotu ŭ budaŭničym, handlovym biźniesie. Zrazumieła, nie praciŭnik režymu, ale j nie zajadły łukašyst. Libieralnych, možna skazać, pohladaŭ, zychodziačy ź jakich i pačaŭ mnie davodzić, što ŭsie maje apošnija dziejańni spres pamyłkovyja. U tym liku vychad z apazicyi, z kampanii «Havary praŭdu», dzie treba było zastavacca i ŭdzielničać u vybarach navat u tym vypadku, kali b tam pahałoŭna ŭsie supracoŭničali sa śpiecsłužbami. Čamu? Bo, pa-pieršaje, dla bolšaści siońnia heta nie maje nijakaha značeńnia. Niama ŭžo ŭ hetym taho niehatyvu, jaki mieŭsia raniej, hramadstva stanovicca prahmatyčnym, pazbaŭlajecca ramantyčnych, intelihienckich durnotaŭ. Pa-druhoje, adbyŭsia histaryčny pierałom. Łukašenka pierastaŭ kłaniacca na ŭschod, pačaŭ epachalny razvarot na zachad, da jakoha skiravali jaho ludzi z prahmatyčnym myśleńniem u biźniesie, va ŭładzie - u tym liku ŭ śpiecsłužbach. Tamu supracoŭničać ź imi dla narmalnych ludziej - narmalna, jak heta pryniata va ŭsim śviecie.
Źmieny kirunku ŭžo nie budzie. A značyć, vyjhraje toj, chto paspryjaje ŭ hetym pracesie, raspačatym mienavita ciapier, u čas, kali ŭłada i hramadstva akazalisia da jaho hatovymi. Ciahnik rušyŭ - i chto ŭ jaho nie ŭskočyŭ, toj prajhraŭ. Pamyliŭsia, choć jašče nie pozna vypravić pamyłku, skočyć u apošnija vahony…
Hetamu majmu znajomcu dapamoh niekali zajmieć pieršyja hrošy, daŭ mahčymaść «raskrucicca» Hienadź Karpienka, kali byŭ meram Maładziečna. I ja nie staŭ udavacca ŭ sprečku, a spytaŭ jak by biezadnosna da taho, što jon mnie davodziŭ: «Jak ty dumaješ, Karpienka pamior svajoj śmierciu?..» Jon skazaŭ, što nie viedaje. «Ale ty dapuskaješ, što nie svajoj, što ŭ hetym jamu paspryjali śpiecsłužby, ludzi, jakija razvaročvajucca ciapier z uschodu na zachad?» - nastojvaŭ ja na adkazie, i jon paŭtaryŭ, što nie viedaje, ale dapuskaje, što takoje mahło być. «I dapuskajučy, što hetyja ludzi paspryjali sychodu adnaho z našych siabroŭ, ty dapuskaješ, što možna paspryjać im «epachalna raźviarnucca»? Što dla narmalnych ludziej heta narmalna?..»
Na tym my raźvitalisia.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary