Viasna ŭ Biełarusi ŭstupiła ŭ svaje zakonnyja pravy 20 sakavika ŭ 7 hadzin 48 chvilin pavodle mienskaha času.
U abservatoryi BDU zaznačajuć pavodle astranamičnaha kalendara mienavita ŭ hety dzień Sonca, ruchajučysia pa ekliptycy, dasiahaje punktu viasnovaha raŭnadzienstva, paviedamlaje BIEŁTA.
Naturalna, što astranamičnaja viasna nastupaje tolki ŭ paŭnočnym paŭšarji. Biełarusy Aŭstralii, Arhientyny, Brazylii sustrakajuć zaŭtra astranamičnuju vosień. Da taho ž u Buenas-Ajresie zaŭtra +30, u aŭstralijskim Sydnei "krychu" chaładniej - + 28 °C.
Nadvorje ŭ Biełarusi ŭ nastupnyja dvoje sutak budzie daloka nie viasnovaje.
20 sakavika ŭ Miensku čakajecca karotkačasovy śnieh. Temperatura pavietra ŭnačy minus 2—4°C, udzień plus 1—3°C. 21 sakavika pa paŭdniova‑zachodniaj pałovie projdzie śnieh, mokry śnieh. Temperatura pavietra ŭnačy minus 3—8°C, pry prajaśnieńniach da minus 10°C, udzień ad minus 2 da plus 4°C.
22 sakavika — unačy ad minus 3 da plus 3°C, pa paŭnočnym uschodzie da minus 6°C, udzień plus 2—8°C. Katalicka‑pratestancki Vialikdzień budzie chałodnym.
Kamientary