U Maskvie zatrymany biźniesmien Alaksandr Hryhorjeŭ, saŭładalnik niekalkich zbankrutavałych finansavych struktur, u tym liku bankaŭ «Zachodni», «Doninviest» i Ruskaha ziamielnaha banka. Pavodle viersii śledstva, Hryhorjeŭ ŭ składzie złačynnaj hrupy, u jakuju ŭvachodzili kala 500 čałaviek, arhanizavaŭ, u liku inšaha, vyvad za miažu kala 46 miljardaŭ dalaraŭ.
Biźniesmien byŭ aryštavany ŭ ramkach rasśledavańnia kryminalnaj spravy ab machlarstvie, zaviedzienaj HU MUS Rasii pa Rastoŭskaj vobłaści ŭ krasaviku 2015 paśla zvarotu ŭ pravaachoŭnyja orhany pradstaŭnikoŭ Centrabanka. Sprava tyčycca vyvadu z banka «Doninviest» niezadoŭha da jaho bankructva ŭ kancy 2014 hoda bolš za 1,1 miljarda rubloŭ.
Adnak pravaachoŭnyja orhany, pa dadzienych vydańnia, bolš cikavić inšy vid dziejnaści Alaksandra Hryhorjeva. Pavodle apieratyŭnych danych, jon źjaŭlaŭsia adnym z kiraŭnikoŭ samaj bujnoj u Rasii AZH, jakaja zajmałasia apieracyjami pa niezakonnym atrymańni najaŭnych srodkaŭ.
U jaje dziejnaści ŭdzielničała bolš za 500 čałaviek i kala 60 rasijskich bankaŭ, u tym liku z udziełam dziaržkapitału. Častka ź ich, takija jak Mosabłbanka, «Istkomfinans», Inresbank, Taurus-bank i šerah inšych, užo pazbavilisia licenzij, ale mnohija praciahvajuć pracavać da hetaha času.
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary