«Dziŭnuju reč ŭbačyŭ u tvitary. Ja i raniej padazravaŭ, što «Šarli Ebdo» daŭno staŭ rasijskim nacyjanalnym ŚMI, a nie francuzskim.
Viadoma, paśla rasstrełu žurnalistaŭ jany nabyli suśvietnuju viadomaść, ale zachodzić tudy rehularna i hladzieć hetyja piakielnyja karcinki (voś tut sapraŭdy darečy skazać «ja lepš namaluju»), zvanyja karykaturami, chto budzie?» — piša rasijski apazicyjny palityk Alaksiej Navalny ŭ svaim błohu.
«Na pieršym miescy, ź vializnym adryvam, pa kolkaści naviedvalnikaŭ — Rasija. Z Francyi ŭ 2,5 razy mienš.
I ceły ž dvižniak tut: u zomba-skryni asudžajuć Šarli Ebdo, Kadyraŭ piša pra Šarli Ebdo, deputaty zajaŭlajuć pra Šarli Ebdo, nienarmalnaja sienatarka z avijanoscam na hałavie «maluje» karcinku ŭ adkaz Šarli Ebdo. Prosta «vajna cyvilizacyj» vyvodzicca z «Šarli Ebdo», pryčym nie abstraktnaha časopisa jak znaka svabody słova, a kankretnaj redakcyi, jakaja staić na piarednim krai «ataki na Rasiju».
Heta aznačaje prosta žalezny fakt: Šarli Ebdo nie cikavić nikoha ŭ śviecie, amal nikoha ŭ Francyi, i tolki rasijskija čynoŭniki dniami i načami naciskajuć na knopku «abnavić», u nadziei, što Rasiju znoŭ pakryŭdzili i jość materyjały dla zajavy MZS.
Ja nie ździŭlusia, kali Rasija praz padstaŭnuju kantoru niejkaha «Hazproma» finansuje hety «Šarli Ebdo», kab jon Boža barani nie zakryŭsia i nie pierastaŭ malavać niešta, čamu možna na tok-šoŭ «Pieršaha kanała» aburacca.
Dziŭna, chto b moh padumać, što ŭ 21 stahodździ, u infarmacyjnuju epochu možna tak elemientarna manipulavać hramadska-palityčnaj dumkaj u vielizarnaj krainie, jakaja pretenduje na hłabalnaje lidarstva.
A jašče dziŭna, nakolki ciapierašni ŭładny režym nie žadaje vyrašać realnyja prablemy Rasii, što jany nastolki vartyja žalu nahody raździmajuć da niabiosaŭ, aby pieravieści ŭsio ŭ «mižnarodny paradak». Pryčyna zrazumiełaja: ŽKH i drennyja darohi — jany strašniej za luby IDzIŁ».
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary